काँग्रेस अध्यक्ष राहुल गांधी आणि केंद्रीय मंत्री स्मृती ईराणी यांच्यात ट्विटरवर एक नवे युध्द सुरु झाले आहे. सोहराबुद्दीन शेख एन्काउंटरप्रकरणी राहुल गांधी यांनी भाजपचे अध्यक्ष अमित शाह यांच्यावर ट्विटरद्वारे टिका केली. त्यानंतर दोन्ही नेत्यांमध्ये चांगलेच वाकयुद्ध रंगले आहे. अमित शाह अध्यक्ष होणे, हे भाजपसाठी योग्य नसल्याचे राहुल गांधी यांनी सांगितले आहे.
सोहराबुद्दीन एन्काउंटरप्रकरणी अमित शाह हे मुख्य सुत्रधार आहेत, असे सीबीआयचे मुख्य तपास अधिकारी संदिप तामगाडगे यांनी सांगितले होते. यावर राहुल गांधी यांनी ट्विट केले. “गीतेमध्ये लिहिले आहे की तुम्ही सत्यापासून लांब पळू शकत नाहीत. संदिप तामगाडगे यांनी अमित शाह यांना मुख्य सुत्रधार म्हटले आहे. त्यामुळे भाजपचा अध्यक्ष म्हणून अमित शाह पदावर असणे योग्य नाही.” त्यामुळे अमित शाह सत्यापासून पळू शकत नाही, अशी टिका राहुल यांनी केली आहे.
The Gita says you can never escape the truth and so it has always been.
Sandeep Tamgadge has called Amit Shah a “key conspirator” in his testimony.
It’s completely appropriate for the BJP to have such a man as its President. https://t.co/yDDvf27zce
— Rahul Gandhi (@RahulGandhi) November 22, 2018
राहुल गांधी यांना प्रत्युत्तर देताना स्मृती ईराणी ट्विटरवर म्हणाल्या की, “२०१४ मध्ये अमित शाह यांना क्लिनचीट मिळाली होती.” राहुल यांना #JhoothKiMachine म्हणजेच असत्याची मशिन असल्याचे त्या म्हणाल्या. राजकीय हेतूने शाह यांना फसवण्यात आले होते. हे न्यायालयाने ही स्पष्ट केले आहे. युपीएच्या शासनात हे कुणाच्या आदेशावरून करण्यात आले होते, असा जाब त्यांनी राहुल गांधीकडे मागितला. “मी निश्चितपणे सांगू शकते की राहुल गांधी यांनी गीता कधी वाचलीच नसणार”, असेही ईराणी यांनी ट्विटरवर व्यक्त केले.
#JhoothKiMachine Rahul Gandhi is back in action. He knows that after following due process, Court discharged Mr Shah in 2014. Court had also held that Amit bhai was implicated by CBI for political reasons. Will Rahul answer who in the UPA ordered this political witch hunt? https://t.co/3vmJ0Pkc8E
— Smriti Z Irani (@smritiirani) November 22, 2018
Does National Herald Loot ‘Bail Dharak’ Rahul Gandhi not remember that he had dispatched Sibal to challenge Amitbhai’s discharge & petition was summarily dismissed?
Am convinced – had Mr Gandhi opened the Gita even once in his life, he wouldn’t be indulging in such brazen lies!
— Smriti Z Irani (@smritiirani) November 22, 2018
सोशल मीडियावर सुरू झालेला हा वाद आता कुठवर जातो याकडे नेटिझन्सचे लक्ष आहे.