नवी दिल्ली : नव्या संसदेच्या उद्घाटनाला 2 दिवस बाकी असताना काँग्रेस आणि भाजप यावरून आमनेसामने आले आहेत. उद्घाटन कोण करणार यावरून वाद सुरू असताना काँग्रेसने सेंगोलबाबत (राजदंड) भाजपाने केलेले दावे काल्पनिक आणि खोट असल्याचे म्हटले आहे. तर भाजपाने म्हटले की, काँग्रेसवाल्यांनी राजदंडाला चालण्याची काठी समजून ती संग्रहालयात पाठवली. (Accusations and counter-accusations in the Congress BJP regarding the Sengol in the new Parliament)
काँग्रेसचे सरचिटणीस जयराम रमेश यांनी ट्विटमध्ये म्हटले की, व्हॉट्सऍप युनिव्हर्सिटीच्या माध्यमातून जे दावे पसरवले जात आहेत, त्यामुळे नवीन संसद दूषित होत आहे. भाजप-आरएसएस पुराव्याशिवाय वस्तुस्थितीचा विपर्यास करत आहेत. राजदंडाबाबत फारशी माहिती नसल्याने भाजपाच्या भोंदूबाबांचा पुन्हा एकदा पर्दाफाश झाला असल्याचे जयराम रमेश यांनी म्हटले.
काँग्रेस सरचिटणीसांनी सांगितले राजदंडाचे सत्य काय?
जयराम रमेश म्हणाले, हे खरे आहे की, तत्कालीन मद्रास प्रांतातील एका सनातन गटाने बनवलेला शाही राजदंड ऑगस्ट 1947 मध्ये तत्कालीन पंतप्रधान जवाहरलाल नेहरू यांच्याकडे सुपूर्द करण्यात आला होता. माउंटबॅटन, राजाजी आणि नेहरू यांनी या राजदंडाचे भारतातील ब्रिटिश सत्तेच्या हस्तांतरणाचे प्रतीक म्हणून वर्णन केल्याचा कोणताही लेखी पुरावा नाही, त्यामुळे भाजपाने केलेले सर्व दावे पूर्णपणे काल्पनिक आणि खोटे असल्याचे दिसून येते, कदाचित त्यांना हे ज्ञान व्हॉट्सऍप युनिव्हर्सिटीतून मिळाले असावे.
Is it any surprise that the new Parliament is being consecrated with typically false narratives from the WhatsApp University? The BJP/RSS Distorians stand exposed yet again with Maximum Claims, Minimum Evidence.
1. A majestic sceptre conceived of by a religious establishment in… pic.twitter.com/UXoqUB5OkC
— Jairam Ramesh (@Jairam_Ramesh) May 26, 2023
राजदंड अलाहाबाद संग्रहालयात प्रदर्शनासाठी ठेवण्यात आला
जयराम रमेश म्हणाले की, 14 डिसेंबर 1947 रोजी राजदंड अलाहाबाद संग्रहालयात प्रदर्शनासाठी ठेवण्यात आला. त्यावेळी नेहरू काय म्हणाले हे लेबल काहीही असले तरी ते सार्वजनिक रेकॉर्डचा विषय आहे. पंतप्रधान आणि त्यांचे समर्थक तामिळनाडूमध्ये राजकीय मैदान तयार करण्यासाठी राजदंडाचा वापर करत आहेत. हे भाजप-आरएसएस ब्रिगेडचे वैशिष्ट्य आहे. जे त्यांच्या विकृत हेतूंसाठी तथ्यांशी खेळताना दिसत आहेत.
Why does the Congress party hate Indian traditions and culture so much? A sacred Sengol was given to Pandit Nehru by a holy Saivite Mutt from Tamil Nadu to symbolize India’s freedom but it was banished to a museum as a ‘walking stick’.
— Amit Shah (@AmitShah) May 26, 2023
Now, Congress has heaped another shameful insult. The Thiruvaduthurai Adheenam, a holy Saivite Mutt, itself spoke about the importance of the Sengol at the time of India’s freedom. Congress is calling the Adheenam’s history as BOGUS! Congress needs to reflect on their behaviour.
— Amit Shah (@AmitShah) May 26, 2023
काँग्रेसने राजदंडाला ‘चालण्याची काठी’ समजून संग्रहालयात ठेवले
जयराम रमेश यांच्या ट्विटरनंतर गृहमंत्री अमित शाह यांना ट्वीट करत काँग्रेसवर निशाणा साधला आहे. त्यांनी म्हटले की, काँग्रेस पक्ष भारतीय परंपरा आणि संस्कृतीचा इतका तिरस्कार का करतो? तमिळनाडूतील एका पवित्र शैव मठाने पंडित नेहरूंना भारताच्या स्वातंत्र्याचे प्रतीक म्हणून एक पवित्र राजदंड दिले होते, परंतु ते ‘चालण्याची काठी’ म्हणून संग्रहालयात हद्दपार करण्यात आले. त्यांनी आणखी एका ट्वीटमध्ये म्हटले की, काँग्रेसने आणखी एक लाजिरवाणा अपमान केला आहे. तिरुवदुथुराई अधेनम, एक पवित्र शैव मठ, स्वतः भारताच्या स्वातंत्र्याच्या वेळी राजदंडाच्या महत्त्वाबद्दल बोलले गेले आहे. परंतु काँग्रेस अधेनामच्या इतिहासाला बोगस म्हणत आहे! काँग्रेसने त्यांच्या वर्तनावर विचार करण्याची गरज आहे.
