चिंताजनक: लक्षणं नसलेला रुग्ण पसरवतोय कोरोना

अमेरिकन कम्युनिटी डिसीज सेंटरने (सीडीसी) केलेल्या अभ्यासानुसार असं समोर आलं आहे की ८० टक्के लोकांमध्ये पहिल्या महिन्यात कोणतीच लक्षणं दिसत नाहीत.

crowd

कोरोना संसर्गाची लक्षणे जगाला माहित आहेत. कोरोनामुळे खोकला आणि सर्दी ते अतिसार आणि वास घेण्याची क्षमता कमी होते. त्याच वेळी, असंख्य लोक आहेत ज्यांमध्ये लक्षणं दिसली नाहीत. अशी प्रकरणे अपवाद आहेत असा दावा चीन आणि जागतिक आरोग्य संघटनेनं केला होता. ऑक्सफर्ड विद्यापीठाने नंतर आपल्या संशोधनात असं सांगितलं की कोरोनाचा संसर्ग झालेल्या एक चतुर्थांश रुग्णांमध्ये लक्षणं दिसली नाहीत, तर अमेरिकन कम्युनिटी डिसीज सेंटरने (सीडीसी) केलेल्या अभ्यासानुसार असं समोर आलं आहे की ८० टक्के लोकांमध्ये पहिल्या महिन्यात कोणतीच लक्षणं दिसत नाहीत.

ब्लूमबर्गच्या मते, भारतातील इंडियन काउन्सिल ऑफ मेडिकल रिसर्चने (आयसीएमआर) म्हटलं आहे की २० ते ६० वर्षे वयोगटातील संक्रमित लोकांमध्ये लक्षणं दिसण्यास वेळ लागत आहे. कोरोना तपासणीनंतरच ४० टक्के प्रकरणं समोर आली आहेत. अशा परिस्थितीत हे स्पष्ट आहे की लक्षणं नसलेले रुग्ण नकळत कोरोनाचा संसर्ग पसरवत आहेत.


हेही वाचा – संकटात कर्मचार्‍यांचा महागाई भत्ता रद्द करणे योग्य नाही – मनमोहन सिंग


कोरोना त्याच्या संरचनेपासून ते सेंद्रिय पदार्थांपर्यंत अनेक बाबतीत विचित्र आहे. बर्‍याच वेळा, संसर्ग होण्यास बराच वेळ लागतो. जोपर्यंत श्वसनमार्गाचा वरचा भाग पूर्णपणे संक्रमित होत नाही तोपर्यंत खोकला आणि शिंकणे यांसारखी बाह्य लक्षणं दिसत नाहीत. चीन, जर्मनी आणि स्पेनमध्ये सुरुवातीच्या संशोधनात असं म्हटलं आहे की काही रुग्णांमध्ये लक्षणं दिसत नाहीत. असे रुग्ण कधीही आजारी पडत नाहीत. केवळ चाचणी केल्यामुळे पकडले गेले आहेत.

ऑक्सफोर्ड विद्यापीठाच्या संशोधनात असा दावा करण्यात आला आहे की, मार्चपर्यंत पसरलेल्या संसर्गाचा प्रमुख लक्षणं नसलेले रुग्ण आहेत. लक्षणं नसलेल्या रुग्णांमुळे कमीतकमी निम्म्या रुग्णांना लागण झाली. संसर्ग पसरविण्यात लक्षणं नसलेल्या रुग्णांचा मोठा वाटा असल्याचंही अमेरिकेचं मत आहे.


हेही वाचा – चीन म्हणतंय, आमचे टेस्टिंग किट उत्तमच, भारताला वापरायचं ज्ञान नाही


१६ एप्रिल रोजी लँसेट मेडिकल जर्नलमध्ये प्रकाशित झालेल्या संशोधनात असा दावा करण्यात आला आहे की पुरेशा चाचण्या न झाल्यामुळे लक्षणं नसलेले रुग्ण आढळले नाहीत. जपानजवळ अडकलेल्या क्रूझ डायमंड प्रिंसेसमध्ये ६३४ पैकी ३२८ रूग्ण संक्रमित आढळले. ब्लूमबर्गच्या मते, ५२ टक्के लोकांमध्ये कोणतीही लक्षणं दिसली नाहीत. दुसरीकडे, अमेरिकेमध्ये नेव्ही जहाजासहित इतर ठिकाणी केलेल्या संशोधनात असं दिसून आले आहे की, ४३ टक्के ते ८८ टक्के लोकांमध्ये कोणत्याही प्रकारची लक्षणं नाहीत. तर चीनने असा दावा केला आहे की ४३ पैकी केवळ १० रुग्णांमध्ये लक्षणं दिसत नाहीत.

काय करावं?

कोरोनाची पीसीआर चाचणी महाग आहे आणि त्याचे किट विपुल प्रमाणात नाहीत. तसंच चाचणीला बराच वेळ लागतो. एंडोबॉडी चाचणीच्या यशाचा उच्चतम दर फक्त २० टक्के आहे. अशा परिस्थितीत प्रत्येक व्यक्तीचा शोध लावता येत नाही. पहिला मार्ग म्हणजे सर्वांची तपासणी करणं. दक्षिण कोरियाने ही पद्धत अवलंबली होती. दुसरी पद्धत लॉकडाऊन आहे. ऑक्सफर्ड युनिव्हर्सिटीच्या मते, ४९ दिवसांचा लॉकडाऊन असावा जेणेकरून लक्षण नसलेल्या रुग्णांचा धोका पूर्णपणे दूर होईल.