देशात १ मार्चपासून कोरोना लसीकरणाच्या दुसऱ्या टप्प्याला सुरुवात झाली आहे. पंतप्रधान नरेंद्र मोदी, शरद पवार यांच्यापाठोपाठ देशातील अनेक ज्येष्ठ मंत्र्यांनी कोरोना लस टोचून घेतली. या मंत्र्यांकडून देशातील ज्येष्ठ नागरिकांनाही लस घेण्याचे आवाहन केले जात आहे. यातच साऊथ सुपरस्टार आणि मक्कल नीधि मय्यम पक्षाचे अध्यक्ष कमल हासन यांनीही मंगळवारी चेन्नईत एका रुग्णालयात कोरोना लस टोचून घेतली आहे. कमल हसन यांनी ट्विटरवर कोरोना लस घेतल्याचे काही फोटो शेअर केले आहेत. या ट्विटमध्ये भ्रष्टाचारविरोधात टीकाकरण पुढच्या महिन्यापासून सुरु होईल असे संकेत दिले आहेत. त्यामुळे पुढील महिन्यापासून ते राजकारणात पुन्हा सक्रिय होणार असल्याचा इशारा दिला आहे.
ஸ்ரீ ராமச்சந்திரா மருத்துவமனையில் கொரோனாவைரஸ் தடுப்பூசி போட்டுக்கொண்டேன். தன் மேல் மாத்திரமல்ல, பிறர் மேல் அக்கறையுள்ளவர்களும் போட்டுக்கொள்ள வேண்டும். உடல் நோய்த் தடுப்பூசி உடனடியாக, ஊழல் நோய்த் தடுப்பூசி அடுத்த மாதம். தயாராகிவிடுங்கள். pic.twitter.com/SmZEUr4qqT
— Kamal Haasan (@ikamalhaasan) March 2, 2021
या ट्विटमध्ये त्यांनी लिहिले की, मला श्री रामचंद्र रुग्णालयात कोरोना प्रतिबंधक लस देण्यात आली. हे लसीकरण त्या लोकांसाठी महत्त्वाचे आहे जे दुसऱ्यांचा विचार करतात. त्यामुळे सर्वांनी कोरोना लसीकरण करुन घ्यावे. ६ एप्रिलपासून तमिळनाडुमध्ये सुरु होणाऱ्या विधानसभा निवडणुकी संदर्भात इशारा देत त्यांनी म्हंटले की, शरीरासाठी प्रतिकारक्षमता जरुरी आहे. या क्षमतेवर आपण पुढच्या महिन्यात भ्रष्टाचाराविरोधात लढू शकतो, तयार रहा. भ्रष्टाचारांच्या आरोपांवरुन मंत्री कमल हसन सत्तारुढ पक्षावर नेहमी टीका डागत असतात. त्यामुळे आगामी विधानसभा निवडणुकांसाठी त्यांचा पक्ष मैदानात उतरला आहे. कमल हसन यांच्या पायाला इंफेक्शन झाल्याने नुकतीच त्यांच्या पायाची सर्जरी झाली. या सर्जरीतून पुर्णपणे बरे होत कमल हासन पुन्हा निवडणुकीच्या रंगणात उतरण्यात सज्ज झाले आहे. आगामी तामिळनाडू विधानसभा निवडणुकीसाठी कमल हासन यांची पक्षांची जोरदार सुरु आहे. या पक्षाचे निवडणूक चिन्ह ‘बॅटरी’ आहे. परंतु ऐन निवडणुकांच्या तयारीत आजारपणामुळे हासन यांना तारेवरची कसरत करावी लागत आहे.
हेही वाचा- महाराष्ट्राचे राजकारण हादरणार, दरेकर करणार गौप्यस्फोट