नोबेल पुरस्कारांच्या घोषणांना सुरुवात करण्यात आली आहे. मंगळवारी भौतिकी विज्ञान क्षेत्रातील नोबेल पुरस्काराची घोषणा करण्यात आली असून रॉयल स्वीडिश अकादमी ऑफ सायन्सने एलन एस्पेक्ट, जॉन एफ क्लॉजर, आणि एंटोन जिलिंगर यांना पुरस्कार जाहीर केला आहे. दरम्यान विविध क्षेत्रातील नोबेल पुरस्कारांची घोषणा आठवडाभर करण्यात येणार आहे. भौतिकशास्त्र, रसायनशास्त्र, साहित्य, शांतता, अर्थशास्त्र या पाच क्षेत्रातील पुरस्कारांची घोषणा करण्यात येणार आहे.
सोमवारपासून नोबेल पुरस्कारांची घोषणा करण्यास सुरुवात करण्यात आली आहे. औषधोपचार क्षेत्रातील नोबेल पुरस्कार स्वीडिश वैज्ञानिक स्वंते पाबो यांना जाहीर झाला. निअँडरथल डीएनएवरील शोधासाठी त्यांना या पुरस्काराने गौरवण्यात आले आहे. क्वाटंम मॅकॅनिक क्षेत्रात या अतुलनिय कामगिरी केल्याबद्दल भौतिकाशास्त्रातील पुरस्कार एलन एस्पेक्ट, जॉन एफ क्लॉजर, आणि एंटोन जिलिंगर देण्यात आला आहे.
BREAKING NEWS:
The Royal Swedish Academy of Sciences has decided to award the 2022 #NobelPrize in Physics to Alain Aspect, John F. Clauser and Anton Zeilinger. pic.twitter.com/RI4CJv6JhZ— The Nobel Prize (@NobelPrize) October 4, 2022
तर, पुढील आठवडाभर विविध क्षेत्रातील पुरस्कार घोषित करण्यात येणार आहेत. उद्या, बुधवारी रसायनशास्त्र आणि गुरुवारी साहित्यातील नोबेल पुरस्कार जाहीर करण्यात येणार आहेत. तर, नोबेल शांती पुरस्काराची घोषणा शुक्रवारी करण्यात येणार आहे. तर, अर्थशास्त्रातील नोबेल पुरस्कार १० ऑक्टोबरला जाहीर करण्यात येणार आहे.
