अभिनेत्रीतून राजकारणी बनलेल्या तृणमूल काँग्रेसच्या लोकसभा खासदार नुसरत जहाँची ईडीकडून चौकशी सुरू आहे. फसवणूक प्रकरणी कोलकाता येथील ईडी कार्यालयात नुसरतची चौकशी सुरू आहे. ईडीने नुसरत जहाँ हिला हजर राहण्यासाठी समन्स पाठवले होते. (TMC MP Nusrat Jahan is being investigated by ED in CORPORATE COMPANY 7 SENSE INFRASTRUCTURE PRIVATE LIMITED Director )
ईडीने नुसरत जहाँला एका कॉर्पोरेट कंपनीत आधी बजावलेल्या संचालक पदाबाबत चौकशीसाठी समन्स बजावले आहे. ज्यामध्ये ज्येष्ठ नागरिकांना माफक दरात निवासी सदनिका देण्याचे आश्वासन देऊन कोट्यवधी रुपयांची फसवणूक करण्यात आली होती. तृणमूल काँग्रेसचे आमदार तापस रॉय म्हणाले की, नुसरत जहाँ याप्रकरणी योग्य उत्तर देईल. पक्ष यावर कोणत्याही प्रकारे भाष्य करणार नाही.
ईडीने कंपनीच्या दुसऱ्या संचालकालाही समन्स बजावले
नुसरत जहाँ व्यतिरिक्त, ईडीने कॉर्पोरेट कंपनी 7 सेन्सेस इन्फ्रास्ट्रक्चर प्रायव्हेट लिमिटेडचे आणखी एक संचालक राकेश सिंग यांनाही समन्स बजावले आहे. दोघांना 12 सप्टेंबर रोजी कोलकात्याच्या उत्तरेकडील सीमेवर सॉल्ट लेकमध्ये असलेल्या केंद्रीय एजन्सीच्या केंद्रीय सरकारी कार्यालय (CGO) कॉम्प्लेक्स कार्यालयात हजर राहण्यास सांगितले आहे.
यावर्षी ऑगस्टमध्ये याच कंपनीविरोधात तक्रार दाखल झाली तेव्हा नुसरत जहाँचे नाव पुढे आले होते. पती यश दासगुप्ता यांनी विश्वास व्यक्त केला होता की ईडी त्यांच्या पत्नीला कधीही समन्स पाठवणार नाही कारण तिच्यावरील आरोपांना काही तथ्य नाही. कोट्यवधी रुपयांच्या भ्रष्टाचाराचे आरोप निराधार आहेत, असे दासगुप्ता यांनी ५ ऑगस्ट रोजी म्हटले होते..
ऑगस्टच्या सुरुवातीला हे प्रकरण मीडिया समोर आल्यानंतर काही दिवसांनी जहाँने मीडियाला सांगितले की, मार्च 2017 मध्ये आपण कॉर्पोरेट कंपनीचा राजीनामा दिला होता. तिने असा दावाही केला की आपण या कॉर्पोरेट कंपनीकडून सुमारे 1.16 कोटी रुपयांचे कर्ज घेतले होते आणि मार्च 2017 मध्येच त्याने 1.40 कोटी रुपयांपेक्षा जास्त रक्कम व्याजासह परत केली होती.
(हेही वाचा: संसदेच्या विशेष अधिवेशनासाठी नव्या ड्रेसकोडची चर्चा; कर्मचारी दिसणार नव्या पोशाखात )
