केंद्रीय जलशक्ती मंत्री गजेंद्रसिंग शेखावत यांना कोरोनाची लागण झाली आहे. याबाबतची माहिती स्वत: गजेंद्रसिंग शेखावत यांनी ट्विट करुन दिली आहे. गजेंद्रसिंग शेखावत यांना रुग्णालयात दाखल करण्यात आले आहे. याआधी केंद्रातील मोदी सरकारमधील गृहमंत्री अमित शाह आणि पेट्रोलियम मंत्री धर्मेंद्र प्रधान यांना कोरोनाचा संसर्ग झाला होता.
“कोरोनाची काही लक्षणे दिसल्यामुळे कोरोना चाचणी केली असता त्याचा अहवाल कोरोना पॉझिटिव्ह आला. डॉक्टरांच्या सल्ल्यानुसार मला रुग्णालयात दाखल केले जात आहे. मी विनंती करतो की यापूर्वी जे लोक माझ्या संपर्कात आले आहेत त्यांनी स्वत: ला आयसोलेट करुन घ्या आणि चाचणी करुन घ्या. प्रत्येकजण निरोगी रहा आणि स्वत: ची काळजी घ्या,” असे ट्विट गजेंद्रसिंग शेखावत यांनी केले आहे.
अस्वस्थता के कुछ लक्षण दिखने पर मैंने कोरोना टेस्ट करवाया और मेरी रिपोर्ट पॉजिटिव आई है। डॉक्टर्स की सलाह पर अस्पताल में भर्ती हो रहा हूँ। मेरा अनुरोध है कि गत दिनों में मेरे संपर्क में जो लोग आये हैं वह स्वयं को आइसोलेट कर अपनी जाँच करवाएं। आप सभी स्वस्थ रहें और अपना ध्यान रखें।
— Gajendra Singh Shekhawat (@gssjodhpur) August 20, 2020
