उत्तर प्रदेश विधानसभा निवडणुकीदरम्यान (UP Election 2022) भाजप नेत्या आणि कुस्तीपटू बबिता फोगाट यांच्या गाडीवर हल्ला झाल्याची बातमी समोर आली आहे. भाजप नेत्याने वृत्तसंस्था एएनआयला सांगितले की, मेरठ, यूपी येथे निवडणूक प्रचारादरम्यान त्यांच्या कारवर काही हल्लेखोरांनी हल्ला केला. त्याचबरोबर पोलिसांनी या प्रकरणाचा तपास सुरू केला आहे.
मिळालेल्या माहितीनुसार, ही घटना मेरठच्या सिवलखास विधानसभा मतदारसंघातील दबथुवा गावात घडली. खरं तर, बबिता फोगाट आपल्या पत्नीसह भाजप उमेदवार मनिंदर पाल सिंह यांच्या बाजूने मते मागण्यासाठी गेली असता, तेव्हा आरएलडी समर्थकांनी लाठ्या-काठ्या घेऊन भाजपविरोधात घोषणाबाजी सुरू केली. यानंतर भाजप कार्यकर्त्यांनी विरोध केला तेव्हा आरएलडी समर्थकांनी हल्ला केला. या घटनेत भाजपचे अनेक कार्यकर्ते जखमी झाल्याचे वृत्त आहे. त्याचवेळी आरएलडी समर्थकांनी महिलांसोबत गैरवर्तन केल्याचा आरोपही बबिता फोगाट यांनी केला आहे.
मेरी गाड़ी की लाइट तोड़ी गई। काफिले की अन्य गाड़ियां को भी तोड़ा गया। मामले में हमने FIR दर्ज़ कराई है। सपा और RLD ने आज साबित कर दिया है कि ये लोग गुंडागर्दी फैलाते हैं: मेरठ में अपनी गाड़ी पर हुए हमले पर भारतीय महिला पहलवान और भाजपा नेता बबीता फोगाट pic.twitter.com/z5hWJNfRk6
— ANI_HindiNews (@AHindinews) February 5, 2022
फोगाट म्हणाल्या की, सपा-आरएलडीच्या कार्यकर्त्यांनी गावात गैरवर्तन केले आहे. या घटनेत अनेकांना दुखापत झाली असून, एका महिलेचा पायही तुटला आहे. याशिवाय अनेकांची डोकी फुटली आहेत. इतकंच नाही तर यादरम्यान त्यांनी माझी गाडीही फोडली आहे.
हे ही वाचा – कायदा पाळतो याचा अर्थ गुंडागर्दी खपवून घेणार नाही, शिवसैनिकांच्या राड्यावर फडणवीसांचा इशारा