काँग्रेस नेते राहुल गांधी यांना मोदी आडनावावरील टीकेच्या प्रकरणात संसदेचे सदस्यत्व गमवावे लागले. एकीकडे या प्रकरणावरून संपूर्ण देशभरात राहुल गांधींचा भाजपाकडून विरोध केला जात आहे. तर, दुसरीकडे तृणमूल काँग्रेसने (TMC) आता पंतप्रधान नरेंद्र मोदींवर हल्लाबोल केला आहे. ‘जर राहुल गांधींची खासदारकी रद्द केली जाऊ शकते, तर पंतप्रधान मोदींनी निवडणूक प्रचारादरम्यान “दीदी ओ दीदी” म्हणत मुख्यमंत्री ममता यांना टोमणा मारला होता. त्यावेळी पंतप्रधानांवर कोणतीही कारवाई झाली नाही’, असा सवाल उपस्थित करत टीएमसीने पंतप्रधानांवर टीका केली आहे. (why no action has been taken against the pm on the didi o didi taunt asks tmc)
टीएमसी नेते आणि मुख्यमंत्री ममता बॅनर्जी यांचे पुतणे अभिषेक बॅनर्जी यांनी पंतप्रधान नरेंद्र मोदींवर टीका केली. निवडणूक प्रचारादरम्यान केवळ पंतप्रधान मोदी यांनी ‘दीदी ओ दीदी…’ वापरला नाही तर, भाजपाच्या अनेक बड्या नेत्यांनी हे शब्द मुख्यमंत्री ममता यांना टोमणे मारण्यासाठी वापरले होते. त्या भाजपा नेत्यांमध्ये शुभेंदू अधिकारी यांचाही समावेश होता.
अभिषेक बॅनर्जी म्हणाले की, अनुसूचित जातीच्या मंत्र्याविरोधात केलेल्या वक्तव्याबद्दल एका महिन्याच्या आत अधिकाऱ्यावर गुन्हा दाखल करावा अशी माझी इच्छा आहे.
दरम्यान, विधानसभा निवडणुकीपूर्वी प्रचारादरम्यान पंतप्रधान मोदींनी दीदी ओ दीदी म्हणत सर्व महिलांचा अपमान केला होता. अशा परिस्थितीत पंतप्रधान मोदींचे सदस्यत्व रद्द करू नये का?, असे अभिषेक बॅनर्जी यांनी पत्रकारांशी बोलताना सांगितले.
“मोदी ओ मोदी आणि राहुल गांधींना दोन वर्षांची शिक्षा झाली असेल तर ओबीसींच्या भावना दुखावल्या जात असतील तर इथे विरोधी पक्षनेत्यालाही दोन वर्षांची शिक्षा झाली पाहिजे. त्यांच्यासाठी देशाचा कायदा वेगळा आहे का? आम्ही टीएमसीमध्ये आहोत म्हणून कायदे वेगळे आहेत आणि ते भाजपमध्ये आहेत म्हणून कायदे वेगळे असतील”, असेही अभिषेक बॅनर्जी म्हणाले.
हेही वाचा – पोलिसांचा ससेमिरा असतानाच खालिस्तान समर्थक अमृतपाल सिंगचा पहिला व्हिडीओ समोर, म्हणाला…
