भारतात ‘Xiaomi’वर ईडीची मोठी कारवाई; कंपनीचा 5551 कोटी रुपयांचा निधी गोठवणार

जगभरात स्मार्टफोनसाठी प्रसिद्ध असलेल्या 'Xiaomi' कंपनीवर भारतात मोठी कारवाई करण्यात आली आहे. भारतात 'Xiaomi' कंपनीचा 5551 कोटी रुपयांचा निधी ईडीला जप्त करण्याचे आदेश देण्यात आल्याची माहिती समोर येत आहे.

जगभरात स्मार्टफोनसाठी प्रसिद्ध असलेल्या ‘Xiaomi’ कंपनीवर भारतात मोठी कारवाई करण्यात आली आहे. भारतात ‘Xiaomi’ कंपनीचा 5551 कोटी रुपयांचा निधी ईडीला जप्त करण्याचे आदेश देण्यात आल्याची माहिती समोर येत आहे. परकीय चलन विनिमय कायद्याचे (फेमा) उल्लंघन केल्याप्रकरणी सक्तवसूली संचालनालयाने ‘Xiaomi’ कंपनीविरुद्ध तपास केला होता. त्यानंतर ‘Xiaomi’ कंपनीचा 5551 कोटी रुपयांचा निधी जप्त करण्याचे आदेश देण्यात आले होते. आता यासाठी ईडीला FEMA Competent Authority कडून निधी गोठवण्याची परवानगी मिळाली आहे.

पंतप्रधान नरेंद्र मोदी यांचे सरकार चिनी तंत्रज्ञान कंपन्यांविरोधात सातत्याने कठोर भूमिका घेत आहे. यापूर्वी चिनी गुंतवणूक असलेल्या अनेक अॅप कंपन्यांवर कारवाई करण्यात आली होती, आता मोबाईल हँडसेट तयार करणारी कंपनी ‘Xiaomi’ वर देखील कारवाई करण्यात आली आहे. ईडीची देशातील आतापर्यंतची ही सर्वात मोठी जप्ती आहे. (xiaomi money laundering china india biggest fund seizure ed fema will attach rs 5551 cr of chinese firm smartphone company xiaomi )

मिळालेल्या माहितीनुसार, ‘Xiaomi India’ भारतात 2014 मध्ये काम सुरू केले होते. ही चीनची आघाडीची मोबाइल हँडसेट कंपनी ‘Xiaomi’ची पूर्ण मालकीची उपकंपनी आहे. ‘Xiaomi India’ 2015 पासून आपल्या मूळ कंपनीला पैसे पाठवण्यास सुरुवात केली. कंपनीने एकूण 5,551.27 कोटी रुपये परदेशी कंपन्यांना पाठवल्याचे समजते. ‘Xiaomi India’ने रॉयल्टी भरण्याच्या नावाखाली एवढी मोठी रक्कम पाठवल्याचे समजते. ‘Xiaomi India’ भारतातच मोबाईल फोन बनवणाऱ्या कंपन्यांकडून पूर्णपणे बनवलेले हँडसेट खरेदी करत होती. अशा स्थितीत परदेशात कार्यरत असलेल्या या तीन कंपन्यांची कोणतीही सेवा त्यांनी घेतली नाही आणि असे असतानाही बनावट कागदपत्रे तयार करून रॉयल्टीच्या नावाने ही रक्कम पाठवण्यात आली, असे ईडीला तपासात आढळले.

याप्रकरणी ईडीने अधिक तपास केला असता, ‘Xiaomi’ कंपनी FEMA च्या कलम 4 चे उल्लंघन करत असल्याचे समोर आले. हे कलम परकीय चलन आपल्याकडे ठेवण्याबाबत आहे. याशिवाय कंपनीवर प्रिव्हेन्शन ऑफ मनी लाँडरिंग कायद्याचे (PMLA) उल्लंघन केल्याचाही आरोप आहे.

ईडीचे म्हणण्यानुसार परदेशात पैसे पाठवताना कंपनीने अनेक ‘भ्रामक माहिती’ बँकांना दिली. ईडीने ‘Xiaomi’चे भारतातील माजी प्रमुख मनु कुमार जैन यांना समन्स बजावले होते. या प्रकरणी त्यांची चौकशी केली होती.


हेही वाचा – महागाई कमी करण्याच्या नावाखाली जनतेचा केसाने गळा कापण्याचा प्रकार; ‘सामना’तून रिझर्व्ह बँकेवर टीका