#Metoo मध्ये आमिर खानची उडी; सोडला ‘हा’ चित्रपट

बॉलीवूडमध्ये सध्या #MeToo चळवळ जोर पकडत असताना, आता बॉलीवूडचा मिस्टर परफेक्शनिस्ट अमिर खाननेही या प्रकरणात उडी घेतली आहे. आमिर खानने #MeToo मोहिमेच्या पार्श्वभूमीवर एक महत्वाचा मुद्दा प्रकाशझोतात आणला आहे. ‘लैंगिक छळाचा आरोप लावण्यात लावण्यात आलेल्या ‘त्या’ दिग्दर्शकासोबत काम करण्यास आमिर खानने स्पष्ट नकार दिला आहे. इतकंच नाही तर त्या दिग्दर्शकाचा चित्रपट सोडल्याचंही अामिरने उघड केलं आहे. गेल्या काही दिवसांमध्ये बॉलीवूडच्या अनेक अभिनेत्रींनी #MeToo मोहिमेत उडी घेत, त्यांच्यावर झालेल्या लैंगिक आरोपाबद्दल भाष्य केले आहे. त्यापाठोपाठ आता आमिरखाननेही अशाप्रकारची घोषणा करत #MeToo मोहिमेला पाठिंबा दर्शवला आहे. नेहमीच आपल्या चित्रपटांमधून आणि खासगी आयुष्यातून आमिर खान सामाजिक समस्यांना वाचा फोडत असतो. त्यामुळे आमिरने #MeToo बाबत केलेल्या या वक्तव्याची अधिक चर्चा होत आहे. आमिरने घेतलेल्या या निर्णयाचे त्याच्या चाहत्यांकडून तसंच बॉलीवूड सर्कलमधून कौतक होत आहे.