‘जर मोदी नसतील तर उद्या ते आपण असू’, अफगाणिस्तान-तालिबान संघर्षावर कंगनाची प्रतिक्रिया

बॉलिवूड अभिनेत्री कंगना रनौत नेहमी कोणत्या ना कोणत्या कारणामुळे चर्चेत असते. देशासह जगातील प्रत्येक घडामोडींवर तिच लक्ष्य असते. त्यामुळे ती जगातील घडणाऱ्या प्रत्येक घडामोडींबाबत आपले मत सोशल मीडियावर व्यक्त करत असते. आता कंगनाने अफगाणिस्तान आणि तालिबान संघर्षावर आपले मत व्यक्त केले असून ते सध्या चर्चेत आले आहे. जर पंतप्रधान नरेंद्र मोदी नसते तर भारताचीही अवस्था आजच्या अफगाणिस्तानसारखी असती, असे कंगनाचे मत आहे. कंगनाने फेसबुकवर काही व्हिडिओ आणि काही फोटो शेअर करत अफगाणिस्तान आणि तालिबान संघर्षावर मत व्यक्त केले आहे.

नक्की कंगना काय म्हणाली?

कंगना म्हणाली की, ‘आपण आज हे मुकाटपणे पाहत आहोत, उद्या हेच आपल्यासोबतही घडू शकते. मी सीएएच्या समर्थनार्थ लढाई लढली हे चांगलं झालं. माझी संपूर्ण जगाला वाचवण्याची इच्छा आहे, पण यासाठी माझ्या घरापासून सुरुवात करायला पाहिजे. देशात सीएए कायदा आणला यासाठी मी आपल्या सरकारचे आभार मानते. त्यांनी हा कायदा आणून आशावाद दाखवला.’

‘सर्वच हिंदू, शीख, जैन, इसाई, बुद्धिस्ट, पारसी आणि शेजारील इस्मामिक देशांतील इतर नागरिकांना राहण्याकरता जागा मिळेल, मी अफगाणिस्तानसाठी प्रार्थना करते. अफगाणिस्तान इस्लामिक देश असण्यापूर्वी एक हिंदू आणि बुद्धिस्ट देश होता,’ अशी कंगना म्हणाली.

त्यानंतर पुढे कंगना म्हणाली की, ‘पाकिस्तान तालिबानचे पालन करते आणि अमेरिका त्यांना शस्त्र पुरवते. आता तालिबान आपल्या किती जवळ आला आहे, जर मोदी नसतील तर उद्या ते आपण असू’

हेही वाचा – अफगाणिस्तानची परिस्थिती पाहून रिया चक्रवर्ती म्हणाली, या कृती विरोधात आवाज उठवा…