मुंबई : साईदिशा प्रतिष्ठान व इंडियाज टॅलेंट सम्मान फाऊंडेशन (आयटीएसएफ) या संस्थेच्यावतीने यंदाचा “नटसम्राट बालगंधर्व जीवन गौरव पुरस्कार” ज्येष्ठ अभिनेते अशोक सराफ यांना प्रदान करण्यात आला . अभिनेते सयाजी शिंदे, गायक शंकर महादेवन, गायिका वैशाली सामंत याना नटसम्राट बालगंधर्व गौरव पुरस्कार तर गायिका पिहू शर्मा आणि गायक अंगद राज यांना नटसम्राट बालगंधर्व रायझिंग स्टार अवॉर्ड पुरस्काराने सन्मानित करण्यात आले.
विलेपार्ले येथील एनएमएसआयएस विद्यापीठाच्या (मिठीबाई कॉलेज)मुकेश पटेल सभागृहात संपन्न झालेल्या या शानदार समारंभाप्रसंगी केंद्रीय मंत्री नितीन गडकरी, सी. पी. राधाकृष्णन राज्यपाल, महाराष्ट्र राज्य, गायक सुरेश वाडकर हे प्रमुख पाहुणे म्हणून उपस्थित होते
बालगंधर्व स्मारक समितीचे संस्थापक- खजिनदार आणि साईदिशा प्रतिष्ठानचे संस्थापक अध्यक्ष समाजसेवक दत्तात्रय बाळकृष्ण माने व इंडियाज टॅलेंट सम्मान फाऊंडेशन या संस्थेच्या माध्यमातुन सन २००० सालापासून सामाजिक, कला क्रिडा आणि सांस्कृतीक क्षेत्रात कार्यरत आहेत. संस्थेमार्फत सामाजिक, कला-क्रीडा, सांस्कृतिक, वैद्यकीय, औद्योगिक, शैक्षणिक, सहकार, राजकीय क्षेत्रात उल्लेखनीय कामगिरी केलेल्या व करु पाहणाऱ्या व्यक्तींना / संस्थांना त्यांनी केलेल्या उत्कृष्ट कामगिरी बद्दल विविध पुरस्कार देऊन सन्मानित करून त्यांचा गौरव केला जातो. संस्थेच्या माध्यमातून नारायण श्रीपाद राजहंस (बालगंधर्व) यांच्या नावाने नाट्य व चित्रपट सृष्टीत उल्लेखनीय काम केलेल्या जेष्ठ व करू पाहणाऱ्या युवा कलाकारांना “नटसम्राट बालगंधर्व पुरस्कार” देऊन सन्मानित करण्यात येते.
याच सोहळ्यात स्वप्नील बांदोडकर , सतीश प्रजापती (सँडी), संतोष लिंबोरे, रविकुमार सोलापुरे
,श्रावणी किरण खोत यांना कला रत्न पुरस्कार तर ठाणे पोलीस आयुक्त आयपीएस आशुतोष डुंबरे यांना रणझुंजार पुरस्काराने सन्मानित करण्यात आले. कामगार आणि प्रशासन प्रधान सचिव आयएएस विनिता वैद सिंघल , सारथी इन्स्टिट्युट, पुणे व्यवस्थापकीय संचालक आयएएस अशोक काकडे , अतिरिक्त आयकर आयुक्त आयआरएस सुधाकर शिंदे, नवी मुंबई मनपा सहाय्यक आयुक्त सतीश जाधव यांना सेवारत्न पुरस्कार,महाराष्ट्र राज्य टेबल टेनिस असोसिएशनचे अध्यक्ष प्रवीण एस. लुंकड यांना क्रीडा रत्न रतन पुरस्कार प्रदान करण्यात आला.
श्री असोसिएट्स इन्फ्राव्हेंचर्स प्रा. लि., डी.जी. बेल्हेकर इन्फ्रा प्रा. लि.चे मंगेश येंधे,आनंद डुंबरे, सोपान बेल्हेकर, डिनेरो डेव्हलपमेंट अँड इन्फ्रास्ट्रक्चर प्रा. लि.चे तुषार शिंदे, फॉरएव्हर केअर इंडिया प्रा. लिचे श्री. गुरु महाराणा एम.आर. मनीष सोनी यांना उद्योग रत्न पुरस्कार , शार्प इंडस्ट्रीजचे निलेश गोसालिया , प्रशांत चिवडशेट्टी यांना शिक्षण महर्षी पुरस्कार तर आचार्य – राजकुमार सिंग यांना वास्तु महर्षी पुरस्कार आणि आशा होमिओपॅथी चे डॉ. बी.एस. भोसले यांना धन्वंतरी धन्वंतरी रत्न पुरस्काराने सन्मानित करण्यात आले. या पुरस्कार सोहळयाप्रसंगी गायक स्वप्नील बांदोडकर आणि सुपरस्टार सिंगर ३ फेम गायिका पिहू शर्मा यांचा सेलिब्रेटी गेस्ट परफॉर्मन्स शो सादर करण्यात आला.
हेही वाचा : Swapnil Joshi : स्वप्नीलचा बेधडक डॅशिंग अंदाज
Edited By – Tanvi Gundaye
