बॉलिवूड अभिनेत्री बिपाशा बसु आणि करण सिंह ग्रोवर काही महिन्यांपूर्वी आई-बाबा झाले. सध्या हे दोघेही आपल्या पालकत्वाचा आनंद घेत आहेत. बिपाशाने 12 नोव्हेंबर 2022 रोजी मुलगी देवीला जन्म दिला. त्यानंतर अनेकदा बिपाशा आपल्या मुलीचे फोटो देखील शेअर करत असते. दरम्यान, अशातच बिपाशाने तिच्या मुलीबाबत एक धक्कादायक खुलासा केला आहे. जो ऐकून सगळेच हैराण झाले आहेत.
बिपाशाच्या मुलीच्या हृदयात दोन छिद्र
View this post on Instagram
नुकत्याच काही दिवसांपूर्वी बिपाशाने तिच्या मुलीबाबत एक खुलासा केला आहे. ज्यात तिने मुलीच्या हृदयात दोन छिद्र असल्याचा खुलासा केला आहे. बिपाशा बसूने सांगितले की, त्यांची मुलगी देवी जन्मल्यापासून तिच्या हृदयात दोन छिद्रे होती. अवघ्या तीन महिन्यांच्या वयात तिच्या मुलीच्या हृदयावर शस्त्रक्रिया करण्यात आली. तो काळ बिपाशा आणि तिचा पती करण सिंह ग्रोवरसाठी खूप कठीण होता.
View this post on Instagram
बिपाशाने सांगितलं की, “तिच्या मुलीवर वेंट्रिक्युलर सेप्टल डिफेक्ट शस्त्रक्रिया झाली, जी एक प्रकारची हृदय शस्त्रक्रिया आहे. ही शस्त्रक्रिया हृदयाच्या डाव्या आणि उजव्या वेंट्रिकल्समधील छिद्रे दुरुस्त करण्यासाठी केली जाते.” असं बिपाशाने सांगितलं.
2016 साली झालं बिपाशा-करणचं लग्न
बिपाशाने 2001 मध्ये तिच्या फिल्मी करिअरची सुरुवात ‘अजनबी’ या सिनेमातून केली होती. या चित्रपटात तिने अक्षय कुमारसोबत काम केले होते. याशिवाय बिपाशा बसूने ‘राज’, ‘रक्त’, ‘फूटपाथ’, ‘ऐतबार’सह अनेक सुपरहिट चित्रपटांमध्ये काम केले. बिपाशा बसू बऱ्याच दिवसांपासून चित्रपटसृष्टीपासून दूर आहे. तिने शेवटचे 2015 मध्ये ‘अलोन’ चित्रपटात काम केले होते. या चित्रपटात तिच्यासोबत करण सिंग ग्रोव्हर दिसला होता. तिथून दोघांची प्रेमकहाणी सुरू झाली आणि त्यानंतर 2016 मध्ये दोघांनी लग्न केले. बिपाशासोबतचे हे त्याचे तिसरे लग्न आहे.
