ब्रिटिश राजघराण्याच्या मानाच्या गादीवर गेली सात दशके विराजमान असलेल्या ब्रिटनच्या महाराणी एलिझाबेथ द्वितीय यांचं वृद्धपकाळाने निधन झालं आहे. त्या 96 वर्षांच्या होत्या. गेल्या अनेक दिवसांपासून त्यांची प्रकृती चिंताजनक होती. स्कॉटलंडमधील बाल्मोरल कॅसल या ठिकाणी त्यांनी अखेरचा श्वास घेतला. ब्रिटीश राजघराण्याकडून आणि ब्रिटन सरकारकडून त्यांच्या निधनाच्या वृत्ताला दुजोरा देण्यात आला आहे. महाराणी एलिझाबेथ द्वितीय यांच्या निधनावर जगभरातून शोक व्यक्त केला जात आहे.दरम्यान, आता एलिझाबेथ द्वितीय यांच्या निधनानंतर बॉलिवूड कलाकारांकडून देखील शोक व्यक्त केला जात आहे.
एलिझाबेथ द्वितीय यांच्या निधनानंतर बॉलिवूड कलाकारांनी केला शोक व्यक्त
बॉलिवूड कलाकारांपैकी अभिनेता रितेश देशमुख,सुष्मिता सेन, सेलिना जेटली, शिल्पा शेट्टी, करीना कपूर खान, नीतू कपूर, गीता बसरा, अदनान सामी यांसारख्या स्टार्सनी सोशल मीडियावर ट्विट करून राणीच्या निधनाबद्दल शोक व्यक्त केला आहे.
What an incredible & truly celebrated life!!! She loved colors & lived every shade of it, in a single lifetime…The very embodiment of QUEEN!!!
Rest in peace Queen Elizabeth ll 🙏#BritainsLongestReigningMonarch #GodSpeed #DuggaDugga pic.twitter.com/6IghsI7C0u
— sushmita sen (@thesushmitasen) September 8, 2022
बॉलिवूड अभिनेत्री सुष्मिता सेनने ट्विट करून लिहिलंय की, “किती छान आयुष्य आहे. त्यांनी रंगांवर प्रेम केले आणि त्यांच्या आयुष्यातील प्रत्येक छटा एकाच आयुष्यात जगल्या…त्याच्या आत्म्याला शांती लाभो.”
End of an era!! Through the toughest times she never let got of her dignity. Today is indeed a sad day, condolences to the family and the people of UK. #QueenElizabethII https://t.co/LWAwvAWwbQ
— Riteish Deshmukh (@Riteishd) September 8, 2022
तर रितेश देशमुखने लिहिलंय की, “कठीण काळातही राणीने आपली प्रतिष्ठा गमावली नाही. हा खरोखरच दुःखाचा दिवस आहे. यूकेमधील लोक आणि राजघराण्याबद्दल माझ्या संवेदना.”
A very sad day.. it really is an end of an era.. what a life and what a woman.. thank you your Majesty for leading the country with upmost integrity and courage..you were the epitome of a woman with substance.. #RIPQueenElizabeth 💔🙏 pic.twitter.com/5wJ5urSL2r
— Geeta Basra (@Geeta_Basra) September 8, 2022
RIP #QueenElizabeth 🙏 https://t.co/60JpLeRNg8
— Adnan Sami (@AdnanSamiLive) September 8, 2022
महाराणी एलिझाबेथ द्वितीय यांचा जन्म 21 एप्रिल 1926 साली लंडनमध्ये झाला. एलिझाबेथ यांचे शिक्षण घरातच झाले. 1952 साली एलिझाबेथ यांचे वडील जॉर्ज यांच्या निधनानंतर त्या ब्रिटनच्या महाराणी म्हणून गादीवर विराजमान झाल्या. 2 जून 1953 रोजी त्यांचा शपथविधी सोहळा पार पडला. त्यांना महाराणीचा मुकुट घालण्यात आला. त्यांनी सलग सात दशकं ब्रिटनच्या महाराणी म्हणून कार्यभार सांभाळला. त्यामुळे जगातील सर्वाधिक काळ महाराणी म्हणून सत्ता उपभोगणाऱ्या एलिझाबेथ ह्या एकमेव महिला सम्राज्ञी होत्या.
दरम्यान, 20 नोव्हेंबर 1947 रोजी ग्रीक आणि डेन्मार्कचे राजकुमार प्रिन्स फिलिप यांच्याशी त्यांचा शाही विवाह झाला. त्यानंतर 14 नोव्हेंबर 1948 रोजी त्यांच्या प्रिन्स चार्ल्स या मुलाचा जन्म झाला. दरम्यान मागील वर्षी 9 एप्रिल 2021 मध्ये वयाच्या 99 व्या वर्षी त्यांचे पती प्रिन्स फिलिप यांचे निधन झाले.
