देशावर आलेलं करोनाचं संकट अत्यंत गंभीर असं होत चाललं आहे. अशातच अत्यावश्यक सेवा देणारे कर्मचारी बाहेर पडून सेवा आणि आपल कर्तव्य बजावत आहे. डॉक्टर्स, नर्सेस आणि पोलिस कर्मचारी आपला जीव धोक्यात घालून देशाला संरक्षित ठेवत आहेत. रात्र असो किंवा दिवस.. २४ तास नागरिंकाच्या सुरक्षेसाठी रस्त्यावर उभे आहेत. या पोलिस कर्मचाऱ्यांच्या कामाचं करावं तेवढं कौतुक कमी आहे. अभिनेचा सिद्धार्थ चांदेकर यांन देखील मुंबई पोलिसांचे आभार मानले आहेत.
पण यावेळी सिद्धार्थला एका यूजर्सने केलेल्या रिप्लायवर ‘तू करोना पॉझिटिव्ह आहेस का’ असा प्रश्न विचारला. त्यावरून भाजपच्या सोशल मीडिया व आयटी सेलचे सहनिमंत्रक पियुष कश्यप यांनी त्याला सुनावलं आहे.
@sidchandekar अभिनेत्याला संपूर्ण महाराष्ट्राने आणि मराठी माणसाने डोक्यावर घेतलं परंतु सिद्धार्थ चांदेकरला खरे आकडे सांगितले तर लगेच समोरच्याला 'कोरोना झाला का म्हणून हिणवणे?' हे कितपत योग्य?
अभिनेते स्वतःला समजतात कोण? माणुसकी नावाचा प्रकार वगैरे असतो का यांच्यात?#shame pic.twitter.com/DneGexQMRA
— Piyush Kashyap (@TheRSS_Piyussh) April 7, 2020
‘सिद्धार्थ चांदेकर या अभिनेत्याला संपूर्ण महाराष्ट्राने आणि मराठी माणसाने डोक्यावर घेतलं. परंतु सिद्धार्थ चांदेकरला खरे आकडे सांगितले तर लगेच समोरच्याला करोना झाला का म्हणून हिणवणे कितपत योग्य आहे? अभिनेते स्वत:ला समजतात कोण? माणुसकी नावाचा प्रकार वगैरे असतो का यांच्यात?’, असा सवाल पियुष कश्यप यांनी केला. इतकंच नव्हे तर ‘माफी मागून ट्विट डिलीट केलं असतं तर त्याच्या समर्थकांमध्ये आणि महाराष्ट्रामध्ये चांगला संदेश गेला असता. पुन्हा फालतू ट्विट करू नकोस’, अशा शब्दांत त्यांनी सिद्धार्थला सुनावलं.
@sidchandekar याने माफी मागून ट्विट डिलीट केलं असत तर त्याच्या समर्थकांमध्ये आणि महाराष्ट्रामध्ये चांगला संदेश गेला असता. असो 'देर आये, दुरुस्त आये'. पुन्हा फालतू ट्विट करू नकोस.
— Piyush Kashyap (@TheRSS_Piyussh) April 7, 2020
पियुष कश्यप यांच्या या ट्विटनंतर सिद्धार्थने दोघांचीही माफी मागितली. ‘आपली आणि आपल्या परिवाराची काळजी घ्या. लवकरच यातून बाहेर येऊ,’ असं म्हणत सिद्धार्थने त्याची चूक मान्य केली.
२ चांगले शब्द बोललो म्हणून माफी नाही रे मागू शकत. परिस्थिती बिकट आहे हे मला ही माहित आहे. पण आपल्याच माणसांना प्रोत्साहन मिळावं म्हणून तो ट्विट होता. छूपा हेतू काहीही नाही.
मला कटुता पसरवता येत नाही. पण त्या ट्विट ने पसरत असेल तर काढलेला बरा.
बाकी काळजी घ्या.
जय महाराष्ट्र.— Siddharth Chandekar (@sidchandekar) April 7, 2020
त्या बद्दल क्षमस्व.
— Siddharth Chandekar (@sidchandekar) April 7, 2020
