बॉलिवूड अभिनेता अजय देवगण आणि अभिनेत्री तब्बू यांची मुख्य भूमिका असणारा ‘दृश्यम 2’ मागील अनेक दिवसांपासून चर्चेत आहे. नुकत्याच काही दिवसांपूर्वी हा चित्रपट प्रदर्शित झाला आहे. गेल्या अनेक दिवसांपासून प्रेक्षक या चित्रपटाची आतुरतेने वाट पाहत होते. 17 दिवसांपूर्वी प्रदर्शित झालेल्या या चित्रपटाने बॉक्स ऑफिसवर कल्ला करत आहे.
अजय देवगणच्या ‘दृश्यम 2’ने कमावला करोडोंचा गल्ला
#Drishyam2 is a STORM that’s not going to subside soon… #D2 has revived weekend biz at metros as well as mass pockets… Biz on [third] Sat and Sun is EXCEPTIONAL… [Week 3] Fri 4.45 cr, Sat 8.45 cr, Sun 10.39 cr. Total: ₹ 186.76 cr. #India biz. BLOCKBUSTER. pic.twitter.com/5YoWqGuEai
— taran adarsh (@taran_adarsh) December 5, 2022
श्रिया सरन, अक्षय खन्ना आणि अजय देवगण यांचा ‘दृश्यम 2’ चित्रपटाने बॉक्स ऑफिसवर करोडोंची कमाई केली आहे. 18 नोव्हेंबर रोजी हा चित्रपट प्रदर्शित झाला होता. या चित्रपटाने प्रदर्शनाच्या पहिल्या दिवशी 15.38 कोटींची कमाई केली होती. तर दुसऱ्या दिवशी 21.59 कोटींची कमाई केली. तर पहिल्या आठवड्यात या चित्रपटाने 64 कोटींची कमाई केली होती. तर दुसऱ्या आठवड्यामध्ये देखील ‘दृश्यम 2’ने करोडोंची कमाई केली होती. तसेच 17 व्या दिवशी या चित्रपटाने 10.39 कोटींची कमाई केली आहे. दरम्यान, आत्तापर्यंत या चित्रपटाने एकूण 186.76 कोटींचा टप्पा पार केला आहे. शिवाय संपूर्ण जगभरातून या चित्रपटाने एकूण 265.35 कोटींची कमाई केली आहे. चित्रपटाची वाढती कमाई पाहून निर्माते देखील खूप खूश आहेत.
‘दृश्यम’ ने देखील जिंकलं होतं प्रेक्षकांचं मन
बॉलिवूड अभिनेता अजय देवगणचा ‘दृश्यम’ 2015 मध्ये प्रदर्शित झाला होता. या चित्रपटाचे दिग्दर्शन निशिकांत कामत यांनी केले होते. या चित्रपटात श्रिया सरन, इशिता दत्ता, तब्बू दिसून आल्या होत्या. त्यावेळी या चित्रपटाने बॉक्स ऑफिसवर करोडोंची कमाई केली होती.
‘दृश्यम 2’ आणि ‘भेडिया’मध्ये काटे की टक्कर
तब्बू आणि अजय देवगणच्या ‘दृश्यम 2’ चित्रपटासोबतच कृति सेनन आणि वरुण धवनचा भेडिया देखील नुकताच प्रदर्शित झाला आहे. मात्र, ‘दृश्यम 2’ ला प्रेक्षक अधिक पसंती देत असून भेडियाची कमाई कमी प्रमाणात होत आहे.
हेही वाचा :
