बॉलिवूडचा भाईजान अभिनेता सलमान खानचा आज 57 वा वाढदिवस आहे. 27 डिसेंबर 1965 रोजी इंदूर येथे सलमानचा जन्म झाला होता. वयाच्या 23 व्या वर्षी सलमानने बॉलिवूडमध्ये बीवी हो तो ऐसी या चित्रपटातून पदार्पण केलं. तेव्हापासून आजपर्यंत सलमानचे करोडो चाहते आहेत. लहान मुलांपासून ज्येष्ठांपर्यंत अनेकजण सलमानच्या स्टाईलचे चाहते आहेत.
सलमानचे 10 सुपरहिट चित्रपट
‘मैने प्यार किया’
1989 साली ‘मैने प्यार किया’ हा सलमानचा पहिला मुख्य भूमिका असलेला चित्रपट होता. या चित्रपटात त्याच्यासोबत अभिनेत्री भाग्यश्री होती. आजही या चित्रपटाचे लाखो चाहते आहेत.
हम आपके है कौन
1994 साली प्रदर्शित झालेल्या ‘हम आपके है कौन’ चित्रपटाने सलमानला अधिक लोकप्रियता मिळाली. या चित्रपटात अभिनेत्री माधुरी दीक्षित देखील मुख्य भूमिकेत होती.
करण-अर्जुन
जुडवा
1997 साली प्रदर्शित झालेल्या ‘जुडवा’ चित्रपटामध्ये सलमानने दोन भूमिका साकारल्या होत्या. या चित्रपटात त्याच्या सोबत अभिनेत्री करिश्मा कपूर आणि रंभा होती.
हम साथ साथ है
1999 साली प्रदर्शित झालेल्या या चित्रपटात मोठी स्टार कास्ट होती. या चित्रपटाचे आजही चाहते आहेत.
हम दिल दे चुके सनम
1999 साली प्रदर्शित झालेल्या या चित्रपटामध्ये सलमानसोबत अभिनेत्री ऐश्वर्या राय बच्चन आणि अजय देवगण देखील मुख्य भूमिकेत होते.
तेरे नाम
2003 साली प्रदर्शित झालेल्या तेरे नाम चित्रपटामुळे सलमानला अधिक लोकप्रियता आणि प्रेम मिळालं. या चित्रपटात त्याच्यासोबत अभिनेत्री भूमिका चावला मुख्य भूमिकेत होती.
दबंग
2010 मध्ये प्रदर्शित झालेल्या दबंग चित्रपटाचे आत्तापर्यंत तीन वेगवेगळे सिक्वेल आले. हे तिन्ही सिक्वेल लोकप्रिय ठरले.
बॉडीगार्ड
2011 मध्ये प्रदर्शित झालेल्या ‘बॉडीगार्ड’ चित्रपटात अभिनेत्री करीना कपूर मुख्य भूमिकेत होती.
एक था टायगर
2012 मध्ये प्रदर्शित झालेल्या ‘एक था टायगर’ चित्रपटामध्ये सलमानसोबत अभिनेत्री कतरिना कैफ मुख्य भूमिकेत होती.
बजरंगी भाईजान
2015 मध्ये प्रदर्शित झालेल्या बजरंगी भाईजान चित्रपटात बालकलाकार म्हणून हर्षाली मल्होत्रा मुख्य भूमिकेत होती.
हेही वाचा :
