अक्षय कुमार,करिना कपूर आणि कियारा अडवाणी आणि दिलजीत दोसांजचा ‘गुड न्यूज’ सिनेमा लवकरच प्रदर्शित होत आहे. सध्या सगळेच या प्रमोशनमध्ये व्यग्र आहेत. नुकतेच हे चौघं सिनेमाच्या प्रमोशनसाठी दिल्लीला गेले होते. तो व्हिडीओ सोशलमिडीयावर व्हायरल होत आहे. अक्षयने बत्रा कुटुंबातील या भांडणाचा व्हिडिओ सोशल मीडियावर शेअर केला आहे.
या व्हिडिओमध्ये करिना, अक्षय हे कियारा आणि दिलजीतला भेटताना दिसतात. यावेळी अक्षय त्या दोघांना फ्लॅशी बत्रा नावाने हिणवतो. याला उत्तर म्हणून दिलजीत अक्षय आणि करिनाला बोअरिंग बत्रा म्हणतो. तर स्वतःला खरा बत्रा म्हणते दिलजीत तिकडून निघून जातो. तर व्हिडिओच्या शेवटी करिना आम्ही हॉट स्किनी बत्रा आहोत असं दिलजीतला सांगताना दिसते.
गुड न्यूज हा सिनेमा येत्या २७ डिसेंबरला प्रदर्शित होत आहे. सिनेमाची कथा दोन बत्रा कुटुंबाभोवती फिरताना दिसते. दोन्ही बत्रा कुटुंब आयवीएफच्या मदतीने पालक होण्याचं स्वप्न पाहत असतात. पण एकसारखं आडनाव असल्यामुळे दोघांच्या स्पर्मची अदलाबदली होते. अशी या सिनेमाची कथा आहे.
