बॉलिवूड अभिनेता सनी देओलचा ‘गदर 2’ चित्रपट सध्या प्रचंड चर्चेत आहे. 11 ऑगस्ट रोजी हा चित्रपट प्रदर्शित झाला असून आत्तापर्यंत या चित्रपटाने जवळपास करोडोंची कमाई केली आहे.प्रेक्षक हा चित्रपट पाहण्यासाठी चित्रपटगृहामध्ये मोठ्या संख्येने गर्दी करताना दिसत आहेत. काही दिवसांपूर्वी सनी देओलची सावत्र बहीण ईशा आणि आहना देखील फॅमिली स्पेशल स्क्रीनिंगमध्ये उपस्थित राहिल्या होत्या. यावेळचे अनेक फोटो देखील सोशल मीडियावर व्हायरल झाले होते. दरम्यान, अशातच आता अभिनेत्री हेमा मालिनी देखील ‘गदर 2’चित्रपट पाहण्यासाठी पोहोचल्या होत्या.
हेमा मालिनींनी केलं सनी देओलचं कौतुक
सनी देओलचा ‘गदर 2’पाहिल्यानंतर हेमा मालिनींनी काही पत्राकारांशी संवाद साधताना सनी देओलच्या चित्रपटाचं आणि त्याच्या अभिनयाची खूप कौतुक केलं. तसेच चित्रपटातील इतर कलाकारांचे देखील खूप कौतुक केले. सध्या त्यांच्या यावेळचा व्हिडीओ सोशल मीडियावर व्हायरल होत आहे. हाच व्हायरल व्हिडीओ सनी देओलने त्याच्या इंस्टाग्राम स्टोरीवर शेअर करत आभार मानले होते.
धर्मेंद्र यांचे दोन्ही कुटुंबीय एकत्र आले
धर्मेंद्र आणि त्यांची पहिली पत्नी प्रकाश कौर यांनी सनी देओलचा चित्रपट ‘गदर 2’ याआधीच थिएटरमध्ये एका स्पेशल स्क्रीनिंगमध्ये पाहिला होता. ‘गदर 2’ च्या दुसऱ्या स्क्रिनिंगमध्ये सनी देओल आणि बॉबी देओलच्या सावत्र बहिणी ईशा आणि आहना देखील चित्रपट पाहण्यासाठी आल्या होत्या. आता हेमा मालिनी यांनीही या चित्रपट पाहिला आणि चित्रपटाचं कौतुक केलं. सध्या धर्मेंद्र यांची दोन्ही कुटुंब एकत्र आल्याने चाहते देखील आनंद व्यक्त करत आहेत. धर्मेंद्र यांनीही ईशा आणि आहानाचे सनी आणि बॉबीसोबतचे फोटो पाहून सोशल मीडियाच्या माध्यमातून आनंद व्यक्त केला होता.
