‘माझ्या नवऱ्याची बायको’ या मराठीवरील गाजलेल्या मालिकमधील ‘शनाया’ हे खलनायकाचे पात्र करणारी रसिका सुनील हिने एक वेगळी ओळख निर्माण केली आहे. तिने या मालिकेमधून खलनायकाची भूमिका साकारली असली तरी देखील ती चांगलीच झळकली. मात्र तिला पुढील शिक्षणासाठी ही मालिका सोडावी लागली असून आता त्या जागी शनायाचे पात्र बानू म्हणजेच ईशा केसकर ही भूमिका साकारत आहे. गेले एक दोन दिवसच ईशाने शनायाचे पात्र घेऊन एन्ट्री केली आहे. परंतु एका नविन कलाकारांने आधीसारखं कॅरेक्टर नव्याने जिवंत करण हे तितकच अवघड असल्याचे मत ईशा केसकरने इन्स्टाग्रामवर व्यक्त केले आहे.
काय म्हणाली ईशा?
गेले एक दोन दिवस झाले ईशाने शनायाचे पात्र स्विकारले आहे. जुन्या शनायाची भूमिका उत्तमरित्या साकारली ह्यात काहीच शंका नाही आणि हीच भूमिका माझ्या वाट्याला आली आहे. एवढ्या चिकाटीने, कष्टाने बांधलेले कॅरेक्टर सोडून जाणं सोपं नाही. पण एखाद्या नवीन कलाकाराने ते पुन्हा आधीसारखं नव्याने जिवंत करणं तितंकच अवघड असल्याचे ईशाने इन्स्टाग्राम पोस्टमध्ये म्हटलं आहे. त्याचप्रमाणे मला जुन्या शनायाची जागा मला घेता येणार नाही. पण या भूमिकेसाठी मी १०० टक्के प्रयत्न करेन असे देखील ती म्हणली आहे. त्याचबरोबर तुमच्या मोठ्या मनाच्या छोट्याशा कोपऱ्यात नवीन शनायाला जागा द्याल अशी तिने व्यक्त केली आहे. तसेच तुमच्या आधाराशिवाय आणि आशीर्वादाशिवाय शनाया अपूर्ण आहे. बानूला तर तुम्ही तुमच्या मनावर राज्य करु दिलंत आणि त्यासाठी मी तुम्हां सगळ्यांची ऋणी आहेच. मात्र माझ्या या पात्राविषयी मी तुमच्या चांगल्या, वाईट टीका, कौतुक अशा सर्वच प्रतिक्रियांची वाट पाहत आहे. ते सगळं माझ्यासाठी गरजेचे आहे.
प्रेक्षकांचे उदंड प्रेम ईशाला मिळणार का?
शनायाला ज्याप्रमाणे प्रेम मिळाले आहे. तसेच प्रेम नविन शनायाला देखील मिळेल का? हे पाहणे उत्सुकतेचं ठरणार आहे. ईशाने शनायाच्या कॅरेक्टरमध्ये एन्ट्री केली आहे. आता नवीन शनायाला प्रेक्षक तेवढ्याच प्रेमाने स्विकारतील का हे पाहणे रंजक ठरणार आहे.