हा व्हिडिओ धर्मा प्रॉडक्शनच्या ऑफिशिअल इंस्टाग्राम अकाऊंटवरून शेअर करण्यात आला आहे. या व्हिडाओमध्ये ईशान जान्हवीची चांगलीच खिल्ली उडवताना दिसतो आहे. एअरपोर्टवरच्या एका पिझ्झा शॉपमध्ये जान्हवी ऑर्डर देत आहे. ऑर्डर देताना काही ठिकाणी जान्हवी अडखळल्याचं आपल्याला दिसतं आणि नेमकं यावरुनच ईशान तिची खिल्ली उडवत आहे. ‘प्रमोशनच्या हेक्टिक शेड्यूल आणि फ्लाइट लेट या दरम्यान काय होतं पाहा…’ अशाप्रकारचं कॅप्शन या व्हिडीओला देण्यात आलं आहे.
‘धडक’चा बोलबाला…
धडक या सिनेमाची सध्या सर्वच स्तरांतून चर्चा होते आहे. सैराट या सुपरहिट मराठी सिनेमाचा धडक हा हिंदी रिमेक आहे. श्रीदेवीची मुलगी जान्हवी कपूर आणि ईशान खट्टर या दोघांचाही हा पहिलाच सिनेमा आहे. धडकच्या निमित्ताने ही फ्रेश जोडी बॉलीवूडमध्ये पदार्पण करते आहे. करण जोहरच्या धर्मा प्रॉडक्शननी सिनेमाची निर्मिती केली असून, शशांक खेतानाने या सिनेमाचं दिग्दर्शन केलं आहे. धडकच्या ट्रेलरला आणि सिनेमातील गाण्यांना प्रेक्षकांची चांगलीच पसंती मिळते आहे. आता प्रत्यक्षात हा सिनेमा काय कमाल दाखवतो हे पाहणं औत्सुक्याचं ठरेल. येत्या २० जुलैला हा चित्रपट प्रदर्शित होणार आहे.
