कियारा अडवाणी आणि सिद्धार्थ मल्होत्रा यांच्या लग्नाबाबत चाहत्यांमध्ये चांगलीच उत्सुकता आहे. हे जोडपेही त्यांच्या लग्नाची जोरदार तयारी करत आहेत. या शाही लग्नाला 100 ते 125 पाहुणे येणार असल्याचे सूत्रांकडून सांगण्यात येत आहे. ज्यामध्ये बॉलीवूडच्या सुपरस्टार्सच्या नावाचाही समावेश आहे. आता दोघांच्या लग्नाच्या तारखेबाबत एक नवीन अपडेट समोर आली आहे.
सूत्रांनी दिलेल्या माहितीनुसार, कियारा आणि सिद्धार्थ 4 ते 8 फेब्रुवारी दरम्यान लग्न करणार आहेत. या दोघांचे पाहुणे 4 फेब्रुवारीपासून मुंबईहून जैसलमेरला पोहोचणार आहेत. दोघांची गेस्ट लिस्टही जवळपास तयार झाली आहे. हळदी, मेहेंदी आणि संगीताच्या विधीनंतर हे जोडपे 6 फेब्रुवारीला सात फेरे घेतील. मुंबईतील एका वेडिंग प्लॅनरकडे हे लग्न शाही पद्धतीने पार पाडण्याची जबाबदारी देण्यात आली आहे.
राजस्थानमध्ये हे जोडपे शाही पद्धतीने लग्नबंधनात अडकणार आहेत. सिद्धार्थ आणि कियारा यांनी लग्नासाठी रॉयल पॅलेस सूर्यगड या सुंदर अशा ठिकाणाची निस्वाद केली असल्याचे सांगण्यात येत आहे. हा महाल म्हणजे वाळवंटातील किल्ल्यासारखा आहे. या वाड्यातील सुमारे 80 खोल्या पाहुण्यांसाठी बुक करण्यात आल्या आहेत. हॉटेलमध्ये सुरक्षेसाठीही विशेष व्यवस्था आहे. त्याचबरोबर पाहुण्यांच्या ये-जा करण्यासाठी 70 हून अधिक वाहनेही बुक करण्यात आली आहेत. ज्यामध्ये मर्सिडीज, जग्वार आणि बीएमडब्ल्यू सारख्या वाहनांचा समावेश आहे.
या शाही लग्नाला 100 ते 125 पाहुणे उपस्थित राहणार असल्याचे सांगितले जात आहे. या शाही जोडप्याने लग्नासाठी बरीच तयारी केली आहे. हळद, मेहंदी, संगीतापासून सात फेरे घेण्यापर्यंत वेगवेगळे पोशाख तयार करण्यात आले आहेत. या लग्नाच्या पाहुण्यांच्या यादीबद्दल बोलायचे झाले तर करण जोहर, फॅशन डिझायनर मनीष मल्होत्रा आणि ईशा अंबानी यांची नावे समोर आली आहेत. ईशा ही कियाराची शाळकरी मैत्रीण आहे जी लग्नालाही येणार आहे.
शेरशाहच्या शूटिंगदरम्यान हे जोडपे प्रेमात पडले होते
सिद्धार्थ आणि कियारा यांची जोडी शेरशाह या ऑनस्क्रीन चित्रपटात दिसली होती. या चित्रपटाच्या शूटिंगदरम्यान दोघेही एकमेकांच्या प्रेमात पडले. यानंतर दोघांनीही आपलं नातं लपवण्याचा प्रयत्न केला, पण पापाराझींच्या कॅमेऱ्यात दोघांचं नातं त्यांच्या चाहत्यांसमोर उघडपणे समोर आलं. सध्या या जोडप्याने त्यांचे नाते अधिकृत केले आहे. दोघांची जोडी सोशल मीडियावरही चांगलीच सक्रिय आहे. अनेक पार्ट्यांमध्येही कपल एकत्र दिसत आहे.
