मागील अनेक दिवसांपासून चर्चेत असलेला ऑस्कर 2023 पुरस्कार सोहळा सुरू होण्यासाठी फक्त काही तास उरले आहेत. जगभरातील प्रेक्षक या सोहळ्याची आतुरतेने वाट पाहत आहेत. यामध्ये भारतातील ‘RRR’ चित्रपटातील ‘नाटू नाटू’ या गाण्यालाही ‘बेस्ट ओरिजिनल सॉन्ग’ या श्रेणीत नामांकन मिळाले आहे. याआधी या गाण्याला ‘गोल्डन ग्लोब पुरस्कार’ देखील मिळाला आहे. यामुळे हे गाणं ऑस्कर अवॉर्डही जिंकेल, अशी अनेकजण आशा व्यक्त करत आहेत.
याआधी चित्रपटाशी संबंधितील कलाकार अमेरिकेत चित्रपटाचे प्रमोशन करताना दिसले होते. यामध्ये राम चरण, ज्युनियर एनटीआर आणि एसएस राजामौली हे होते.
Presenting this year’s Best Picture nominees… #Oscars95
All Quiet on the Western Front, Avatar: The Way of Water, The Banshees of Inisherin, Elvis, Everything Everywhere All at Once, The Fabelmans, Tár, Top Gun: Maverick, Triangle of Sadness, Women Talking pic.twitter.com/TqAX1gyhwA
— The Academy (@TheAcademy) March 10, 2023
या वर्षीच्या ऑस्कर 2023 साठी अनेक चित्रपटांना नामांकन मिळाले आहे. यामध्ये टॉप गन मॅव्हरिक, अवतार द वे ऑफ वॉटर, द फेबलमन, वुमन टॉकिंग, ऑल क्वाएट ऑन द वेस्ट फ्रंट, एव्हरीथिंग एव्हरीव्हेअर ऑल अॅट वन्स या चित्रपटांचा समावेश आहे. यामुळे यावेळचा ऑस्कर पुरस्कार पूर्वीपेक्षा अधिक रंजक ठरण्याची शक्यता आहे.
यंदाचा ऑस्कर सोहळा 95 वा असून यामध्ये पहिल्यांदाच रेड कार्पेटऐवजी चमकदार पांढरा रंग निवडण्यात आला आहे. लॉस एंजेलिस येथे 13 तारखेला सकाळी 5:30 वाजल्यापासून भारतात ऑस्कर अवॉर्ड्स थेट पाहता येणार आहे.
ऑस्करमध्ये दिसणार दीपिका पादुकोण
‘RRR’ व्यतिरिक्त, इतर दोन भारतीय चित्रपटांना ‘बेस्ट शॉर्ट डॉक्यूमेंट्री फिल्म’ या श्रेणीत नामांकन मिळाले आहे. बेस्ट शॉर्ट डॉक्यूमेंट्रीमध्ये कार्तिकी गोन्साल्विसचे ‘द एलिफंट व्हिस्पर्स’ आणि शौनक सेनचे ‘ऑल दॅट ब्रेथ्स’ यांचा यात समावेश आहे. ऑस्कर 2023 चे आणखी एक वैशिष्ट्य म्हणजे यंदा बॉलिवूड अभिनेत्री दीपिका पादुकोण देखील ऑस्करमध्ये दिसणार आहे. याबाबत दीपिकाने स्वतः तिच्या इंस्टाग्राम अकाऊंटवरुन माहिती दिली होती.
हेही वाचा :
