बॉलिवूड अभिनेत्री परिणीती चोप्रा आणि राघव चढ्ढा लवकरच विवाहबंधनात अडकणार आहेत. परिणीती चोप्रा आणि आम आदमी पक्षाचा नेता राघव चढ्ढाने 13 मे रोजी दिल्लीतील कपूरथला हाऊसमध्ये एंगेजमेंट केली होती. काही बॉलिवूड कलाकार तसेच अनेक राजकीय नेते देखील यावेळी उपस्थित होते. यावेळचे अनेक फोटो आणि व्हिडीओ सोशल मीडियावर व्हायरल झाले होते. दरम्यान, नुकत्याच समोर आलेल्या माहितीनुसार परिणीती आणि राघव 23 ते 24 सप्टेंबर रोजी राजस्थानच्या उदयपूरमध्ये लग्न करणार आहेत.
दरम्यान, अशातच या दोघांना रविवारी परिणीती दिल्लीमध्ये पोहोचली. यावेळी परिणीतीला घेण्यासाठी राघव पोहोचला होता. यावेळचे दोघांचे फोटो सोशल मीडियावर व्हायरल होत आहेत. यावेळी परिणीती आणि राघवने एकाच रंगाचे शर्ट घातला होता. यावेळचे या दोघांचे अनेक फोटो आणि व्हिडीओ सोशल मीडियावर व्हायरल होत आहेत.
युजर्सच्या जोरदार प्रतिक्रिया
View this post on Instagram
दिल्ली विमानतळावर परिणीतीला घेण्यासाठी आपल्या व्यस्त वेळापत्रकातून वेळ काढून राघव चढ्ढा पोहोचल्याने यूजर्स या व्हिडिओवर अनेक कमेंट्स करत आहेत.
दिग्गजांच्या उपस्थितीत पार पडणार लग्न
राघव चड्ढा आणि परिणीती चोप्रा यांचे लग्न 23 आणि 24 सप्टेंबर रोजी राजस्थानच्या उदयपूर येथील लीला पॅलेस आणि द ओबेरॉय उदयविलास येथे पार पडेल. या लग्नाला सुमारे 200 पाहुणे आणि 50 हून अधिक VVIP लोक उपस्थित राहणार आहेत. आम आदमी पक्षाचे अध्यक्ष आणि दिल्लीचे मुख्यमंत्री अरविंद केजरीवाल, पंजाबचे मुख्यमंत्री भगवंत मान देखील लग्नाला उपस्थित राहणार आहेत. राजकारण्यांव्यतिरिक्त, परिणीती चोप्रा आणि राघव चढ्ढा यांच्या लग्नाच्या रिसेप्शनमध्ये प्रियांका चोप्रा आणि निक जोनास आणि त्यांची मुलगी मालती मेरी देखील उपस्थित राहणार आहेत.
