बॉलिवूड अभिनेत्री पूजा हेगडे हिने आज देशातील सर्वात प्रमुख विमान कंपनी इंडिगो एअरलाइन्स विरोधात मोठी तक्रार केली आहे. या विमान कंपनीने वाईट वागणुक दिल्याचे म्हणत तिने आक्षेप नोंदवला आहे. इंडिगो एअरलाइन्समध्ये उड्डाण करताना अभिनेत्रीसोबत गैरवर्तन झाल्याचा खुलासा तिने ट्विटद्वारे केला आहे.
पूजा हेगडे हिने ट्विट करत लिहिले की, ‘मुंबईहून उड्डाण करत असताना इंडिगो एअरलाइनचे कर्मचारी विपुल नकासे यांनी आमच्याशी अतिशय वाईट वर्तन केले. अतिशय उद्धट, अडाणी आणि अहंकारपूर्ण स्वरात तो बोलला. त्याने आम्हाला धमकी दिली, ही अत्यंत दुःखद गोष्ट आहे. सहसा मी अशा गोष्टींवर ट्विट करत नाही, पण हे वास्तव खरोखरच भयानक होते.
Extremely sad with how rude @IndiGo6E staff member, by the name of Vipul Nakashe behaved with us today on our flight out from Mumbai.Absolutely arrogant, ignorant and threatening tone used with us for no reason.Normally I don’t tweet abt these issues, but this was truly appalling
— Pooja Hegde (@hegdepooja) June 9, 2022
पूजा हेगडेने तिच्या ट्विटमध्ये इंडिगो एअरलाइन्सला टॅग केले असून कंपनीच्या कर्मचाऱ्यांच्या असभ्य वर्तनाबद्दल सांगितले आहे. या ट्विटला आतापर्यंत 1826 वेळा रिट्विट करण्यात आले असून त्याला 18.9 हजार लाईक्स मिळाले आहेत.
तथापि, पूजा हेगडेच्या या ट्विटला इंडिगो एअरलाइन्सने देखील उत्तर म्हणून त्यांचे प्रमाणित उत्तर दिले आहे. तसेच त्यांचा पीएनआर आणि संपर्क क्रमांक डीएम करण्यास सांगितले आहे. या ट्विटला पूजा हेगडेने अद्याप कोणतेही उत्तर दिलेले नाही.
पूजा हेगडेच्या या ट्विटवर यूजर्स वेगवेगळ्या प्रकारच्या प्रतिक्रिया येत आहे. काही लोक एअरलाइनवर राग काढत आहेत तर काही लोक पूजा हेगडेलाच सल्ला देत आहेत. पूजा हेगडेच्या या ट्विटची चर्चा रंगली असून या अभिनेत्रीची गोष्ट ऐकून लोक संमिश्र प्रतिक्रिया देत आहेत.
यूजर्स मिस रिअॅक्शन
विमानात एखाद्या सेलिब्रिटीशी गैरवर्तन झाल्याची ही पहिलीच घटना नाही. यापूर्वीही काही सेलिब्रिटींना याचा सामना करावा लागला आहे. पूजा हेगडेच्या ट्विटवर काही युजर्सनी त्यांच्यासोबत झालेल्या असभ्य वर्तनाबद्दल सांगितले आहे. तर विपुल नावाच्या व्यक्तीची ही पहिली तक्रार नसल्याचे युजर्सचे म्हणणे आहे. तर त्याचवेळी काहीजण पूजावर नाराजही दिसत आहेत.
