टॉलिवूड सुपरस्टार प्रभास आणि बॉलिवूड अभिनेत्री कृति सेनन सध्या त्यांच्या आगामी ‘आदिपुरुष’चित्रपटामुळे चर्चेत आहेत. परंतु मागील काही दिवसांपूर्वी चित्रपटाव्यतिरिक्त हे दोन्ही कलाकार एकमेकांना डेट करत असल्याच म्हटलं जात होतं. शिवाय प्रभास आणि कृती लवकरच लग्न देखील करणार असल्याचं म्हटलं जात होतं. परंतु आता प्रभास आणि कृतीच्या नात्याबाबत टॉलिवूड सुपरस्टार राम चरणने खुलासा केला आहे.
प्रभास नुकताच नंदामुरी बालकृष्णच्या ‘अनस्टॉपेबल’च्या टॉक शोमध्ये पोहोचला होता. या शोमध्ये प्रभासला काही खासगी प्रश्न देखील विचारण्यात आले शिवाय यावेळी राम चरणला फोन लावण्यात आला. आता हा फोन कॉलचा व्हिडीओ व्हायरल होत आहे. यामध्ये राम चरण स्पष्ट शब्दांत बोलतोय की, प्रभासचं सर्वात मोठं सिक्रिट हे आहे की, तो सिंगल आहे आणि त्याचे कोणासोबतच प्रेम संबंध नाहीत.
#Prabhas & #RamCharan Bonding❤️
Your friendship should be like this forever 🤗🙏🏻🤩#PrabhasOnAHA #PrabhasUnstoppableMania pic.twitter.com/LVH3HBIFAV
— 𝗖𝗵𝗶𝗿𝗮𝗻𝗷𝗲𝗲𝘃𝗶 Ｐｒａｂｈａｓ (@WeLoveMegastar) December 29, 2022
प्रभासचा हा एपिसोड शुक्रवारी प्रदर्शित झाला आहे. एपिसोड या भागात बालकृष्ण च्या सांगण्यावरुन प्रभास त्याच्या मित्र राम चरणला फोन लावतो. या फोन कॉलवर प्रभासच्या आयुष्यात कोणतीही मुलगी नसल्याचं समोर येतं. परंतु राम चरण मजामस्तीच्या अंदाजात म्हणतो की, प्रभास तुम्हाला लवकरच आनंदाची बातमी देऊ शकतो. राम चरणचं हे वाक्य ऐकून प्रभास त्याला म्हणतो की, तू माझा मित्र आहेस की शत्रू? दरम्यान, प्रभास आणि कृतीच्या नात्याबाबत याआधी देखील कृतीने इंस्टाग्राम पोस्टद्वारे खुलासा केला होता.
‘आदिपुरूष’ ‘या’ दिवशी होणार प्रदर्शित
ओम राउत यांच्या दिग्दर्शनात तयार करण्यात आलेल्या ‘आदिपुरूष’ चित्रपटाने प्रभास श्रीरामाच्या मुख्य भूमिकेत होता. तर सीतेच्या भूमिकेत अभिनेत्री कृति सेनन आणि सैफ अली खान रावणाच्या भूमिकेत असणार आहे. हा चित्रपट 16 जून 2022 रोजी चित्रपटगृहांमध्ये प्रदर्शित होणार असून हिंदी, तमिळ, तेलुगू, कन्नड आणि मल्याळम भाषेमध्ये प्रदर्शित होणार आहे.
हेही वाचा :
