वर्ष संपत आलं पण आपली सुपरस्टार सई ताम्हणकर अजूनही अनेक प्रोजेक्ट्सच्या शूट मध्ये बिझी आहे ! 2024 वर्षात सई ने बॅक टू बॅक काम करून तिच्या प्रेक्षकांचं मनोरंजन केलं आहे. वेगवेगळ्या भूमिका आणि अनेक आव्हानात्मक काम करून तिने हे वर्ष खास करून प्रेक्षकांच्या मनावर अधिराज्य गाजवलं आहे.
बॉलिवूड सोबतच मराठीत सईच्या अभिनयाची जादू सगळ्यांनी पाहिली. 2024 वर्षाची सुरुवात तिने “श्री देवी प्रसन्न” चित्रपटाने केली आणि वर्षाचा शेवट तिने धगधगत्या “अग्नी” ने केली आहे.
भक्षक, अग्नी हे दोन हिंदी चित्रपट प्रेक्षकांना विशेष आवडले आणि त्याचं कौतुक देखील तितकंच झालं ! सोबतीला “मानवत मर्डर्स” सारखी कमालीची वेब सीरिज आणि सईचा कधीही न पाहिलेला लूक यातून प्रेक्षकांना अनुभवता आला.
2024 वर्षात सईने तिच्या कमालीच्या भूमिका साकारत बॉलीवूडला भुरळ घातली आणि बॉलिवूड मध्ये सईच्या कामाचा बोलबाला देखील झाला. अग्नी असो किंवा भक्षक सई सध्या बॉलीवूड मध्ये स्वतःची वेगळी आणि हक्काची जागा निर्माण करतेय आणि येणाऱ्या वर्षात देखील ती अनेक बड्या बॉलिवूड प्रोजेक्ट्सचा महत्त्वपूर्ण भाग असणार आहे. सई 2024 मध्ये मोस्ट बॅंकेबल स्टार ठरली आहे आणि हे तिने तिच्या कमामधून सिद्ध केलं आहे.
वर्षभरात सईने केलेले सगळेच प्रोजेक्ट्स चर्चेत राहिले आणि याचं कारण देखील तितकंच खास आहे असं म्हणायला हरकत नाही ! तिने वैविध्यपूर्ण विषयांवर आधारित भूमिका तर केल्या पण सोबतीने वेगवेगळ्या भाषांमध्ये देखील काम केलं म्हणून सई ही तिच्या रोजच्या भूमिकांपेक्षा वेगळी दिसली आहे. तिच्या कामातून वेगळ्या धाटणीच्या भूमिका प्रेक्षकांनी बघितल्या आणि त्याला भरभरून प्रेम देखील दिलं.
वर्षभरात तिने अनेक प्रोजेक्ट्सची घोषणा केली यात मुख्यपणे बॉलिवूड प्रोजेक्ट्स चा बोलबाला झाला ! सई येणाऱ्या काळात ” डब्बा कार्टेल, मटका किंग ” या बॉलिवूड प्रोजेक्ट्स मध्ये दिसणार तर मराठीत “गुलकंद, बोल बोल राणी” या चित्रपटात ती मुख्य भूमिका साकारताना दिसेल.
वर्ष संपलं तरी सईचं काम तितक्याच जोमात सुरू आहे ! येणाऱ्या वर्षात सई अजून काय काय भूमिका साकारणार हे बघण्यासाठी सगळेच उत्सुक आहेत.
हेही वाचा : Movie Fasklass Dabhade : ‘फसक्लास दाभाडे’ या चित्रपटाचा धमाकेदार टीझर रिलीज
Edited By – Tanvi Gundaye
