अभिनेता शाहीद कपूर आणि त्याची पत्नी मिरा राजपूत, यांना पुत्ररत्नाची प्राप्ती झाली. गुरुवारी संध्याकाळी ४ च्या सुमारास हिंदुजा रुग्णालयामध्ये मिराने एका गोंडस मुलाला जन्म दिला. त्यामुळे सध्या शाहीद कपूर आणि मिरा पुन्हा एकदा आई-बाबा होण्याचं सुख अनुभवत आहेत. या जोडप्याला मिशा नावाची २ वर्षांची मुलगीसुद्धा आहे. उपलब्ध माहितीनुसार, ‘मिशा’चं नाव शाहीद मधील ‘शा’ आणि मिरा मधली ‘मि’ ही दोन अक्षरं एकत्र करुन ठेवण्यात आलं होतं. त्यामुळे आता शाहीद आणि मिरा त्यांच्या मुलाचे नाव काय ठेवणार? याविषयी सर्वांच्याच मनात उत्सुकता ताणली गेली आहे. या गोड बातमीमुळे कपूर आणि राजपूत परिवारांमध्ये आनंदाचे वातावरण असणार यात काहीच शंका नाही. दरम्यान या गोड बातमीनंतर ‘बी-टाऊन’ मधून तसंच जगभरातील चाहत्यांकडून शाहिद आणि मिरा यांच्यावर कौतुकाचा वर्षाव होत आहे. सोशल मीडियाच्या माध्यमातून लोक शाहीद-मिराला भरभरुन शुभेच्छा देताना दिसत आहेत.
It’s a boy! Congratulations to @shahidkapoor and #MiraKapoor, who welcomed their second child on Thursday. https://t.co/fPklzqiA5d
— Twitter Moments India (@MomentsIndia) September 5, 2018
सौजन्य- Twitter Moments India
सूत्रांनुसार, मिराने मुलाला जन्म दिला त्यावेळी मिराची आई, तिचे सासरे अभिनेता पंकज कपूर यांच्यासह काही मोजके निकटवर्तीय हिंदुजा रुग्णालयामध्ये हजर होते. धडक फेम अभिनेता इशान खट्टरनेही लहान बाळाला पाहण्यासाठी आपल्या आईसोबत हिंदुजामध्ये हजेरी लावल्याचे फोटो सोशल मीडियावर व्हायरल होत आहेत. ७ जुलै २०१५ ला लग्नगाठ बांधल्यानंतर शाहीद कपूर आणि मिरा राजपूत यांना, २६ ऑगस्ट २०१६ रोजी कन्यारन्त प्राप्त झाले. त्यांची पहिली मुलगी ‘मिशा’ आज दोन वर्षांची झाली आहे. दरम्यान काल या जोडप्याला मुलगा झाल्यामुळे पुन्हा एकदा त्यांच्या घरात आनंदाचं वातावरण पाहायला मिळत आहे.