पूर्वी हिंदी टेलिव्हिजनवर शक्तिमान ही लोकप्रिय भूमिका साकारणारा ज्येष्ठ अभिनेते मुकेश खन्ना नुकत्याच त्यांच्या एका वादग्रस्त वक्तव्यामुळे चर्चेत आले आहेत. सोशल मीडियावर त्यांच्या या वादग्रस्त वक्तव्यामुळे अनेकजण त्यांना ट्रोल करू लागले आहेत. मुकेश खन्ना भीष्म इंटरनॅशनल नावाचा एक यूट्यूब चॅनल चालवतात. या आठवड्यामध्ये त्यांनी एक व्हिडीओ शेअर केला होता. तो सध्या सोशल मीडियावर प्रचंड प्रमाणात व्हायरल होत आहे.
मुकेश खन्ना यांनी त्या व्हिडीओमध्ये म्हटलंय की, “जर एखादी मुलगी एखाद्या मुलाला स्वतःहून शरीरसंबंधांसाठी विचारत असेल तर ती मुलगी असभ्य आहे. ती मुलगी, मुलगी नसून एक धंदा करणारी आहे. कारण अशाप्रकारच्या निर्लज बाता सभ्य समाजातील मुलगी कधीच करू शकत नाही.” मुकेश खन्ना यांच्या या व्हिडीओवर सोशल मीडियावरील अनेकजण ट्रोल करू लागले आहेत. अनेकांनी त्या व्हिडीओखाली अनेक कमेंट्स देखील केल्या आहेत.
View this post on Instagram
त्यापैकी एकाने लिहिलंय की, “जेव्हा शक्ति आणि मान दोन्ही सोडलेली असते, तेव्हा तो असं बोलतो.” तर दुसऱ्या व्यक्तिने कमेंटमध्ये लिहिलंय की, “कमालीचं लॅजिक आहे. मला वाटतंय याला कोणत्याही असं विचारलं नसेल.”
तर तिसऱ्या एकाने लिहिलंय की, “स्त्री शक्तिचा तरी मान ठेवा, तर आणखी एकाने लिहिलंय की, शक्तिमान म्हातारपणात काहीही बोलतोय, बहुतेक तो आता सनकीमान झालाय.”