सध्या बॉलिवूडमध्ये देखील लग्नाचा ट्रेंड सुरु आहे. नुकत्याच काही दिवसांपूर्वी कियारा-सिद्धार्थचं लग्न पार पडलं त्याआधी आथिया आणि केएल राहूल देखील विवाहबंधनात अडकले होते. अशातच आता बॉलिवूड अभिनेत्री स्वरा भास्करने गुरुवारी अचानक तिच्या लग्नाबाबत खुलासा करत चाहत्यांना सुखद धक्का दिला आहे. खरं तर, स्वराचं लग्न 6 जानेवारी रोजी झालं होतं. मात्र, नुकताच तिने लग्नाबाबत खुलासा केला आहे. स्वराने समाजवादी पक्षाचा नेता फहाद जिरार अहमदसोबत कोर्ट मॅरेज केलं आहे. तिच्या लग्नाचे फोटो तिने स्वतः तिच्या इंस्टाग्राम अकाऊंटवर शेअर करुन चाहत्यांना ही बातमी दिली आहे.
स्वरा भास्करने दिली आनंदाची बातमी
Sometimes you search far & wide for something that was right next to you all along. We were looking for love, but we found friendship first. And then we found each other!
Welcome to my heart @FahadZirarAhmad It’s chaotic but it’s yours! ♥️✨🧿 pic.twitter.com/GHh26GODbm— Swara Bhasker (@ReallySwara) February 16, 2023
स्वराने तिच्या इंस्टाग्राम अकाऊंटवर लग्नाचे फोटो शेअर करत केले आहेत. या फोटोंमध्ये तिने रेड कलरची सुंदर साडी नेसली आहे. तर तिचा पती फहाद जिरार अहमदने व्हाईट कुर्ता आणि त्यावर रेड जॅकेट परिधान केलं आहे. या दोघांच्या साध्या लूकचं चाहते कौतुक करत आहेत. शिवाय स्वराने तिच्या आणि फहाद जिरार अहमदच्या संपूर्ण लव्हस्टोरीचा एक व्हिडीओ देखील शेअर केला आहे. जो सध्या सोशल मीडियावर प्रचंड व्हायरल होत आहे.
4 वर्षांपेक्षा लहान पती
स्वरा भास्करने काल फहाद जिरार अहमदसोबत साध्या पद्धतीने कोर्ट मॅरेज केलं. स्वराचा पती तिच्या पेक्षा वयाने 4 वर्षांपेक्षा लहान आहे. तिचा पती समाजवादी पक्षाचा नेता आहे. त्यांची पहिली भेट 2019 मध्ये झालेल्या आंदोलनात झाली. तिथेच त्यांची चांगली ओळख झाली. पुढे हळूहळू मैत्री, त्यानंतर प्रेम आणि आता त्याचे रुपांतर लग्नात झाले आहे.
हेही वाचा :