लाल सिंग चड्ढाच्या निर्मात्यांनी अखेर ‘कहानी’ गाण्याचा बहुप्रतिक्षित म्युझिक व्हिडिओ रिलीज केला आहे. या गाण्याचे ऑडिओ व्हर्जन मोहनने गायले आहे तर म्युझिक व्हिडिओतील गाणे सोनू निगमने गायले आहे. या गाण्याला देशभरातून प्रेम आणि प्रशंसा मिळाली आहे आणि या वर्षी रिलीज झालेल्या सर्वात सुखदायक गाण्यांपैकी एक म्हणून ओळखले जाते. व्हिडिओसह गाणे आणखी सुंदर आणि अर्थपूर्ण झाले आहे, यात शंका नाही. या गाण्यात आमिर खानचा अभिनय अप्रतिम आहे. हा व्हिडीओ जितका हृदयस्पर्शी आहे तितकेच एक उलगडणारे कोड्याचे तुकडे प्रेक्षकांसमोर आणतो.
प्रीतम यांनी संगीतबद्ध केलेल्या आणि अमिताभ भट्टाचार्य यांनी लिहिलेल्या ‘कहानी’च्या ऑडिओ आवृत्तीला चोहोबाजूंनी प्रेम मिळाले आहे. हे गाणे रिलीझ झाल्याच्या २४ तासांत इंटरनेटवरील सर्वात लोकप्रिय गाण्यांपैकी एक बनले असून त्याचे नवे नवे रेकॉर्ड बनवणे सुरुच आहे.
अशा परिस्थितीत, ज्यांना माहित नाही त्यांना हे सांगायला हवे की आमिर खानने संगीतकार, गायक, गीतकार आणि तंत्रज्ञांना चर्चेत आणण्यासाठी म्हणून त्याच्या आगामी चित्रपटाची सर्व गाणी म्युझिक व्हिडिओशिवाय रिलीज केली होती. स्टारने आत्तापर्यंत ‘कहानी’, ‘मैं की करां?’, ‘फिर ना ऐसी रात आएगी’ आणि ‘तूर कलेयां’ ऑडिओ आवृत्तीमध्ये रिलीज केले आहेत आणि आता निर्मात्यांनी पहिल्यांदाच हा संगीत व्हिडिओ रिलीज केला आहे.
आमिर खान प्रॉडक्शन, किरण राव आणि वायाकॉम 18 स्टुडिओज निर्मित, ‘लाल सिंग चड्ढा’ मध्ये करीना कपूर खान, मोना सिंग आणि चैतन्य अक्किनेनी देखील आहेत. हा चित्रपट फॉरेस्ट गंपचा अधिकृत रिमेक आहे. लाल सिंग चड्ढा 11 ऑगस्ट 2022 रोजी रिलीज होणार आहे.
