वैशाख महिन्याची पौर्णिमा हिंदू धर्मियांसोबतच बौद्ध धर्मियांसाठी देखील खास मानली जाते. कारण या दिवशी गौतम बुद्धांची जयंती साजरी केली जाते. या पौर्णिमेला बौद्ध पौर्णिमा देखील म्हटलं जातं. यंदा 5 मे रोजी बुद्ध पौर्णिमा साजरी केली जाईल. तसेच या दिवशी चंद्रग्रहण देखील असणार आहे. ज्यामुळे या दिवशी ग्रह आणि नक्षत्रांचा खास संयोग या दिवशी पाहायला मिळणार आहे.
हिंदू कॅलेंडरनुसार, वैशाख पौर्णिमा 4 मे रोजी रात्री 11:44 वाजता सुरु होणार असून 5 मे रात्री 11:03 वाजता समाप्त होईल. त्यामुळे 5 मे रोजी पौर्णिमा साजरी केली जाईल.
बौद्ध पौर्णिमेला असणार चंद्रग्रहण
वर्षातील पहिले चंद्रग्रहण वैशाख पौर्णिमा/ बुद्ध पौर्णिमेच्या दिवशी होत आहे. हे 5 मे रोजी रात्री 8.45 ते 5 आणि 6 च्या मध्यरात्री 1 वाजेपर्यंत असेल. याआधी 5 मे च्या सूर्योदयापासून सकाळी 9:17 पर्यंत सिद्धी योग राहील. या दिवशी स्वाती नक्षत्रही राहील. स्वाती नक्षत्र हे सकाळपासून रात्री 9:40 पर्यंत आहे. अशाप्रकारे वैशाख पौर्णिमेच्या दिवशी पूजेचा शुभ मुहूर्त सकाळी 11.51 ते दुपारी 12:45 पर्यंत आहे.
एवढेच नाही तर वैशाख पौर्णिमा किंवा बुद्ध पौर्णिमेच्या दिवशी भाद्रची सावली राहील. सकाळी 05:38 ते 11:27 पर्यंत आहे.
हेही वाचा :
