राशीभविष्य : रविवार ०२ मे ते शनिवार ०८ मे २०२१

मेष ः– मिथुनेत मंगळ, मेषेत शुक्र या सप्ताहात प्रवेश करीत आहे. तुम्हाला ग्रहांचा पाठिंबा वाढतो आहे. मनोबलपण वाढेल. धंद्यातील तणाव, समस्या कमी होईल. त्यामुळे प्रयत्न करा. नवे काम मिळेल. कमीच्या कामात यश मिळेल. राजकीय-सामाजिक कामात तुमच्या मुद्यांना पाठिंबा मिळेल. थोडी तडजोड करावी लागली तरी तुमचे पारडे जड राहील. लोकांचे सहकार्य मिळेल. घरातील कामे होतील. मुलांची प्रगती आनंद देईल. नोकरीत वरिष्ठांना मान द्या. कामे होतील. कला-क्रीडा क्षेत्रात चमकाल. मनाप्रमाणे बदल करता येईल. विद्यार्थी वर्गाने मेहनत घ्यावी. यश मिळेल. अरेरावी करू नये. शुभ दि. ०२, ०8

वृषभ ः– या सप्ताहात मिथुनेत मंगळ, मेषेत शुक्र प्रवेश करीत आहे. तुमच्या कामास वेळ जास्त लागेल. अरेरावी करून कामे करता येणार नाही. गोड बोलूनच रहावे लागेल. धंद्यात फसगत होईल. जास्त मोह ठेऊ नका. खोट्या बोलण्यावर भरवसा ठेऊ नका. राजकीय-सामाजिक कार्यात कटकटी होतील. धावपळ करावी लागेल. तुमच्या कामाचा व्याप वाढेल. नोकरीत कायद्याचे पालन करा. घाईत निर्णय घेऊ नका. संसारात क्षुल्लक नाराजी होईल. महत्त्वाची वस्तू हरवाल. संशोधनाच्या कामात दिशाभूल होईल. कला-क्रीडा क्षेत्रात नवे मित्र मिळतील. कामात मेहनत जास्त होईल. शुभ दि. ०५, ०8

मिथुन :- या सप्ताहात तुमच्याच राशीत मंगळ, मेषेत शुक्र प्रवेश करीत आहे. सप्ताहाच्या सुरुवातीला छोट्या अडचणी येतील; पण त्यानंतर तुमची कामे होतील. धंद्यात जम बसेल. मोठे प्रोजेक्ट सुरू होऊ शकेल. थकबाकी मिळवा. मोठ्या लोकांच्या ओळखीने फायदा होऊ शकतो. राजकीय-सामाजिक कार्यात तुमचा प्रभाव वाढेल. वाटाघाटीत यश मिळेल. वरिष्ठांचा सल्ला नोकरीत मानावा लागेल. प्रमोशन मिळू शकेल. कला-क्रीडा क्षेत्रात नामांकन होईल. पुरस्कार मिळेल. घरात शुभ घटना घडेल. मुलांची प्रगती होईल. संशोधनाच्या कामात प्रगती होईल. खरेदी-विक्रीत नफा होईल. शेअर्समध्ये योग्य सल्ल्याने पैसे गुंतवा. विद्यार्थ्यांना योग्य दिशा ठरवता येईल. शुभ दि. ०३,०६

कर्क ः– मिथुनेत मंगळ, मेषेत शुक्र प्रवेश करीत आहे. तुम्ही कोणत्याही कामात यश मिळवू शकाल. उत्साह व आत्मविश्वास फारच वाढेल. वाहन जपून चालवा. धंद्यात नवे काम मिळेल. थकबाकी वसूल करता येईल. सप्ताहाच्या मध्यावर राजकीय-सामाजिक कार्यात संतापजनक घटना घडू शकते. तुम्ही सावधपणे बोला. तुमचे वर्चस्व वाढेल. लोकप्रियता मिळेल. गुप्त कारवायांना कमी समजू नका. कला-क्रीडा क्षेत्रात प्रसिद्ध व्हाल. नोकरी मिळेल. संशोधनाच्या कामात प्रगती होईल. कोर्ट केस संपवता येईल. नवीन लोकांची ओळख होईल. फायदा करून घेता येईल. विद्यार्थी वर्गाला मेहनतीचे फळ मिळेल. दिशा मिळेल. शुभ दि. ०5,०6

सिंह ः- या सप्ताहात मिथुनेत मंगळ, मेषेत शुक्र प्रवेश करीत आहे. सप्ताहाच्या सुरुवातीला राजकीय-सामाजिक कार्यात निर्णय घ्या. वाटाघाटीत यश मिळेल. तुमचा प्रभाव पडेल. धंद्याला चांगला उठाव येईल. मित्रांची मदत काम मिळवण्यात होऊ शकेल. कर्जाचे काम मार्गी लावता येईल. कठीण कोणतेही काम करू नका. कला-क्रीडा क्षेत्रात प्रसिद्धी मिळेल. अहंकाराने वागू नका. गुप्त कारवायांना कमी समजू नका. सर्व मुद्दे नीट मांडा. संशोधनाच्या कामात प्रगती होईल. तुमच्या प्रगतीवर जेलस होणारे लोक भेटतील. वरिष्ठ खूश होतील. विद्यार्थी वर्गाने घेतलेला अभ्यासक्रम एकाग्रतेने पूर्ण करावा. शुभ दि. ०७,०८

कन्या ः– मिथुनेत मंगळ, मेषेत शुक्र प्रवेश करीत आहे. धंद्यात तडजोड करण्याची वेळ येईल. प्रेमाने वागा. कामगार, भागीदार यांना कमी लेखू नका. राजकीय-सामाजिक कार्यात तुमचे महत्व वाढत असले तरी त्यावर आक्षेप घेतला जाईल. जवळच्या लोकांना फिरवण्याचा प्रयत्न विरोधक करतील. कोणताही आर्थिक व्यवहार करताना बेफीकीर होऊ नका. नोकरीत काम वाढेल. वरिष्ठांना दुखवू नका. कला-क्रीडा क्षेत्रात गैरसमज होऊ शकतो. प्रकृतीची काळजी घ्या. कोर्ट केसमध्ये अडचणी येतील. कुठेही अतिशयोक्ती नको. कुटुंबात जबाबदारी वाढेल. शुभ दि. ०6,०7

तूळ ः-मिथुनेत मंगळ, मेषेत शुक्र प्रवेश या सप्ताहात होत आहे. तुमच्या प्रत्येक कामाला गती मिळेल. नोकरीचा प्रयत्न यशस्वी होईल. धंद्यात मोठ्या लोकांची मदत मिळेल. मोठे कामही मिळेल. कर्जाचे काम करून घ्या. राजकीय-सामाजिक कार्यात तुमच्या कार्याचे कौतुक होईल. लोकांचे सहकार्य मिळेल. पदाधिकारी मिळेल. कला-क्रीडा क्षेत्रात प्रसिद्धी मिळेल. नवीन ओळखी होतील. घरात शुभ समाचार मिळेल. अविवाहितांना लग्नासाठी स्थळे मिळतील. संशोधनाच्या कामात यश मिळेल. बढती बदलीची शक्यता आहे. विद्यार्थ्यांना योग्य मार्गदर्शन मिळेल. घर, वाहन, जमीन खरेदी-विक्रीत फायदा होईल. शुभ दि. ०४,०७

वृश्चिक ः– मिथुनेत मंगळ, मेषेत शुक्र प्रवेश होत आहे. साडेसातीचे शेवटचे पर्व सुरू आहे. तुम्ही कुठेही अहंकाराने वागू नका. नम्रपणे तुमचे मत मांडा. आग्रह धरू नका; पण प्रयत्न करा. तरच तुमची धंद्यातील व इतर कामे होतील. नविनच ओळख झालेल्या माणसांवर जास्त विश्वास टाकू नका. मोह आवरा. व्यसनाने नुकसान होईल. राजकीय-सामाजिक कार्यात बुधवार, गुरुवार ताण-तणाव होऊ शकतो. वाटाघाटीत समस्या येईल. मित्रपक्षाचे ऐकावे लागेल. कला-क्रीडा क्षेत्रात मेहनत जास्त होईल. नोकरीत चुकीचे काम होऊ शकते. संशोधनात गोंधळ होईल. मन स्थिर ठेवा. शुभ दि.०6,०7

धनु ः- या सप्ताहात मिथुनेत मंगळ, मेषेत शुक्र प्रवेश करीत आहे. साडेसातीचे दुसरे पर्व सुरू आहे. अडचणी येतील. धंदा वाढेल. धावपळ होईल. महत्वाच्या वस्तू सांभाळा. प्रकृतीची काळजी घ्या. राजकीय-सामाजिक कार्यात प्रभाव असला तरी गुप्त शत्रू कट कारस्थाने करतील. संताप होईल. वाहन जपून चालवा. घरगुती कामे करण्यास वेळ लागेल. नोकरीत कायद्याच्यानुसार निर्णय घ्या. कला-क्रीडा क्षेत्रात प्रसिद्धीपर्यंत पोहोचाल.विद्यार्थ्यांनी नम्र रहावे. तुमच्या प्रगतीवर जेलस होणारे लोक भेटतील. संशोधनाच्या कामात यश उशिरा मिळेल. वरिष्ठ तुमची बाजू घेतील. शुभ दि. ०५,०८

मकर ः– साडेसातीचे पहिले पर्व सुरू आहे. मिथुनेत मंगळ, मेषेत शुक्र प्रवेश या सप्ताहात होत आहे. धंद्यात किरकोळ उणीव कायदेसंबंधी राहील. मोठे काम मिळवता येईल. मोठ्या लोकांचा सहवास मिळेल. राजकीय-सामाजिक कार्यात तुम्हाला प्रतिष्ठा मिळेल. तुमची मदत इतरांना झाल्याने तुमचे आभार मानले जातील. टीकाही होईल. तुम्ही तुमचा फायदा करून घ्या. बुधवार, गुरुवार विरोध होईल. कला-क्रीडा क्षेत्रात प्रसिद्ध व्हाल. नवे काम मिळेल. संशोधनाच्या कामात महत्व वाढेल. घरातील व्यक्तींची मर्जी राखावी लागेल. संगत उत्तम ठेवा. शुभ दि. ०२,०६

कुंभ ः- मिथुनेत मंगळ, मेषेत शुक्र प्रवेश होत आहे. या सप्ताहात अचानक कामे वाढतील. धावपळ होईल. अडचणी येतील. त्यातून मार्ग काढावा लागेल. धंदा मिळेल. थकबाकी मिळणे कठीण आहे. राजकीय-सामाजिक कार्यात तुमचे महत्व वाढेल. विरोधकांना शह द्यावा लागेल. कला-क्रीडा क्षेत्रात चमकाल. नवीन ओळखीमुळे उत्साह वाढेल. नोकरीत वरिष्ठांची कामे करावी लागतील. संशोधनाच्या कामात यश येईल; पण वेळ लागेल. चांगली संगत ठेवावी. चंचलपणा टाळावा. विद्यार्थ्यांनी चिडचिड करू नये. विद्यार्थ्यांना पुढे जाता येईल. मेहनत करा. मोठ्यांचे ऐकावे. शुभ दि. ०5,०७

मीन ः– मिथुन राशीत मंगळ, मेषेत शुक्र प्रवेश करीत आहे. तुमचा प्रत्येक दिवस उत्साहाचा जाईल. कामे होतील. धंदा मिळेल. नवीन माणसे कामासाठी मिळतील. घरात आनंदी व्हाल. अडलेले काम पूर्ण करता येईल. राजकीय-सामाजिक कार्यात तुमचे वर्चस्व राहील. अधिकार प्राप्ती होईल. घर, वाहन, जमीन खरेदी-विक्री करता येईल. क्षेत्रात नावलौकीक मिळेल. मोठे काम मिळेल. संशोधनाच्या कामात यशस्वी व्हाल. विद्यार्थ्यांना नवा मार्ग मिळेल. योग्य अभ्यास निवडता येईल. शुभ दि. ०7, ०8