नवी दिल्ली : विश्वचषक 2023 च्या अंतिम सामन्यांत भारतासाठी व्हिलन आणि ऑस्ट्रेलियासाठी हीरो ठरलेल्या ट्रेव्हीस हेड काय तरी कोण? कशी आहे त्याची कारकीर्द याबाबत मोठी माहिती समोर आली आहे. अगदी सर्वसामान्य कुटुंबातील असलेला ट्रेव्हिस हेड फुटबॉलप्रेमी असून, त्याचा एकवेळा जीवघेणा अपघातही झाला आहे. त्या अपघातातून वाचलेल्या ट्रेव्हिस हेडन अंतिम सामन्यात ऑस्ट्रेलियाला विजय मिळवून दिला. (Did you know this about Head who was the hero for Australia in the final)
ऑस्ट्रेलियाला विश्वचषक मिळवून देणाऱ्या ट्रेव्हिस हेडच्या विश्वचषकाच्या संघामधील समावेशावर काहीकाळ प्रश्नचिन्ह निर्माण झाले होते. कारण, दक्षिण आफ्रिकेविरुद्धच्या मालिकेदरम्यान ट्रॅव्हिस हेडला दुखापत झाली होती. त्याच्या अंगठ्याला फ्रॅक्चर झाले होते आणि वर्ल्ड कपमध्ये खेळणे धोक्यात आले होते. ऑस्ट्रेलियन संघाने हेडच्या पुनरागमनाची वाट पाहिली आणि त्याच्या बदलीचे नाव जाहीर केले नाही. त्या निर्णयाचा सकारात्मक परिणाम अंतिम सामन्यात दिसून आला.
पहिल्या सामन्यात शतक
डोक्याच्या दुखापतीतून सावरल्यानंतर ट्रॅव्हिसने विश्वचषकादरम्यान पुनरागमन केले. त्याने पहिला सामना न्यूझीलंडविरुद्ध खेळला. डावखुऱ्या फलंदाजाने अवघ्या 67 चेंडूत 109 धावांची स्फोटक खेळी खेळली. याशिवाय सेमीफायनलमध्येही त्याने दक्षिण आफ्रिकेविरुद्ध शानदार खेळी केली होती. ट्रॅव्हिस हेडने सेमीफायनल आणि फायनल या दोन्ही सामन्यांमध्ये सामनावीर म्हणून निवडलेल्या फलंदाजांच्या क्लबमध्ये सामील झाला. हेडशिवाय भारताचा मोहिंदर अमरनाथ (1983), श्रीलंकेचा अरविंद डी सिल्वा (1996) आणि शेन वॉर्न (1999) यांनी हा पराक्रम केला आहे.
असे आहे ट्रेव्हिस हेडचे कुटुंब
ऑस्ट्रेलियाचा फलंदाज ट्रॅव्हिस हेडचा जन्म 29 डिसेंबर 1993 रोजी ऑस्ट्रेलियामधील अॅडलेडमध्ये झाला. त्याच्या आईचं नाव अॅन हेड आणि वडिलांचं नाव सायमन हेड आहे. हेडच्या भावाचं नाव रीयान आणि बहिणीचं नाव चेलिसा आहे.
हेही वाचा : ICC WC 2023 : विराटचा चाहता ‘फ्री पॅलेस्टाइन’ टी-शर्ट घालून मैदानावर; दहशतवादी पन्नूकडून लाखोंचे बक्षीस
अशी झाली हेडच्या क्रिकेट खेळाची सुरुवात
लहानपणापासूनच क्रिकेटची आवड असलेल्या ट्रेव्हिस हेडने दहाव्या वर्षी जिल्हास्तरीय क्रिकेट खेळण्यापूर्वी टी-ट्री गली जिल्हा क्रिकेट क्लबमध्ये सहभागी झाला होता. तर 16 वर्षांचा असताना त्याने आधीच दक्षिण ऑस्ट्रेलियासाठी 17 वर्षांखालील वयोगटात सर्व प्रकारचे क्रिकेट खेळले. तर 2010 मध्ये ब्रिस्बेन येथे नॉर्दर्न टेरिटरी अंडर-19 विरुद्ध दक्षिण ऑस्ट्रेलियासाठी 19 वर्षांखालील क्रिकेटमध्ये पदार्पण केलं. त्यानंतर, 27 सप्टेंबर 2011 रोजी, त्याने 19 वर्षांखालील क्रिकेटमध्ये भारताविरुद्ध 19 वर्षाखालील पदार्पण केलं. नंतर हेड 2012 च्या अंडर-19 विश्वचषक स्पर्धेत ऑस्टेलियाकडून खेळला.
हेही वाचा : संशयाचं भूत डोक्यात शिरलं, अख्ख्या परिवाराला स्मशानात घेऊन गेलं; नेमकं काय घडलं? वाचा-
आयपीएल नाही खेळत हेड
ऑस्ट्रेलियन फलंदाज ट्रेव्हिस हेडने भारतात येऊन आयपीएलचे दहा सामने खेळले आहेत. त्याने दहा सामन्यात एकूण 205 धावा केल्या आहेत. 2016-17 नंतर त्याने आयपीएल न खेळता फक्त मायदेशासाठीच खेळणार असल्याचे जाहीर केले होते. तेव्हापासून तो आयपीएल खेळत नाही.
