नारळाचे सेवन आपण सर्वांनी कधी ना कधीतरी केलेले आहे. याला आपण अनेक प्रकारे आपल्या आहारात समाविष्ट करतो. कधी नारळपाणी तर कधी नारळाचे दूध तर कधी सुकं खोबरं अशा अनेक माध्यमातून नारळ खाल्ला जातो. नारळ जितका खाण्यासाठी चविष्ट लागतो. तितकाच तो आरोग्यासाठीही लाभदायक आहे. खूपच कमी लोकांना याविषयी माहिती आहे की नारळाचे सेवन केल्याने वजन देखील कमी होते.
होय. हे केवळ हायड्रेशनसाठीच उपयुक्त नसून वजन कमी करण्यासाठीदेखील मदत करते. यात अनेक प्रकारची आवश्यक पोषकतत्त्वे असतात. याशिवाय फॅटी अॅसिडस् देखील असतात.एवढेच नव्हे तर याने पचनशक्ती सुधारण्यासाठीही मदत होते. ज्यामुळे अतिरिक्त कॅलरी बर्न करणे आणि वजन कमी करणे सोपे होते. जाणून घेऊयात की वजन कमी करण्यात कशाप्रकारे नारळ उपयुक्त ठरू शकतो याबद्दल.
पचनशक्ती सुधारते :
नारळाच्या सेवनाने पचनशक्ती सुधारण्यास मदत होते. खरंतर नारळामध्ये मीडियम चेन ट्रायग्लिसराइडस भरपूर प्रमाणात उपलब्ध असतात. जे तुमची पचनशक्ती सुधारण्यासाठी मदत करतात. जेव्हा तुमची पचनसंस्था सुरळीत काम करते तेव्हा तुमच्या शरीरातील कॅलरीज योग्य प्रमाणात बर्न होतात. आणि त्यामुळे तुमचे वजन कमी होण्यासही मदत होते.
डायजेस्टिव्ह हेल्थसाठी उपयुक्त :
नारळाचे सेवन हे डायजेस्टिव्ह हेल्थसाठीही खूप फायदेशीर समजलं जातं. कारण यात डाएटरी फायबर भरपूर प्रमाणात असतात. योग्य प्रमाणात डायट असल्यामुळे आपल्याला नारळपाणी प्यायल्यानंतर खूप काळासाठी पोट भरलेलं वाटू लागतं. ज्यामुळे सतत फूड क्रेविंग होत नाही. आणि तुम्हीदेखील अनहेल्दी पदार्थांचे कमी प्रमाणात सेवन करता. कॅलरी काऊंटही योग्य प्रमाणात असल्यामुळे वजन कमी राहण्यास मदत होते.
हेल्दी फॅट्स मिळतात :
अनेक लोक असं मानतात की फॅट्सच्या सेवनाने वजन वाढतं. परंतु हेल्दी फॅट्स वजन कमी करण्यासाठी महत्त्वपूर्ण भूमिका निभावतात. नारळ, विशेषत: नारळाच्या तेलामध्ये मीडियम चेन ट्रायग्लिसराइडस भरपूर प्रमाणात असतात. फॅट्स शरीरात लवकर शोषून घेतले जातात. आणि फॅट्सच्या रूपात असलेले घटक ऊर्जेच्या रूपात शरीरात साठवले जातात.
हार्मोनल हेल्थला सपोर्ट मिळतो :
नारळाच्या सेवनाने हार्मोनल हेल्थलाही खूप सपोर्ट मिळतो. खरंतर, नारळातून मिळणारे हेल्दी फॅट्स आपल्या शरीरातील हार्मोन्स बॅलेन्स करण्यासाठी मदत करतात. जेव्हा शरीरातील हार्मोन्स बॅलेन्स होतात तेव्हा वजन कमी करणे किंवा मॅनेज करणे खूप सोपे असते.
हेही वाचा : Wedding Destinations : देशातील हे आहेत बेस्ट वेडिंग डेस्टिनेशन
Edited By – Tanvi Gundaye
