हिवाळ्यात शरीराला उब मिळण्यासाठी आणि आरोग्य चांगले राहण्यासाठी तूप खाण्याला विशेष महत्त्व दिले जाते. आयुर्वेदात तूप हे सर्वोत्तम ऊर्जा स्त्रोत मानले जाते. तूप हे केवळ शरीराला उष्णता देते नाही तर यामध्ये पोषक घटक देखील असतात. हिवाळ्यात आपली रोगप्रतिकारशक्ती कमी होते. अशावेळी तूप खाल्याने रोगप्रतिकारशक्ती चांगली होते. आपल्याला कोणतेही आजार हाेल नाही. आज आपण हिवाळ्यात दररोज तूप खाण्याचे फायदे जाणून घेऊयात.
हिवाळ्यात तूप खाण्याचे फायदे
शरीराला उष्णता मिळते
थंड हवामानात शरीराला उष्णता टिकवून ठेवण्याचे काम तूप करते.
त्वचा आणि केस चमकदार होतात
त्वचेसाठी तूप खूप चांगले असते. रोज एक चमचा तूप खाल्याने त्वचेचे कोणतेही आजर होत नाही. हिवाळ्यात बऱ्याचदा आपली त्वचा कोरडी पडते. तूप खाल्ल्याने त्वचेला नैसर्गिक ओलावा मिळतो आणि केस देखील मऊ आणि चमकदार होतात.
पचन सुधारते
तूप हे पचनासाठी उपयुक्त असते. यामुळे पचनक्रिया सुधारते आणि बद्धकोष्ठतेचा त्रास कमी होतो.
रोगप्रतिकारशक्ती वाढते
तूप हे ऊर्जेचा उत्तम स्रोत आहे. रोज तूप खाल्ल्याने शरीराला अधिक ताकद मिळते आणि थकवा कमी होतो. नियमित एक चमचा तूप खाल्याने रोगप्रतिकारशक्ती देखील वाढते.
हाडे आणि सांधे मजबूत होतात
तूपामध्ये ओमेगा-3 फॅटी अॅसिड्स असतात, जे हाडांना आणि सांध्यांना मजबूत ठेवण्याचे काम करते. हिवाळ्यात सांधेदुखीचा त्रास देखील कमी होतो.
वजन वाढण्यास मदत मिळते
रोज एक चमचा तूप खाल्याने वजन वाढू शकते किंवा नियंत्रित राहू शकते. तुपामध्ये मोठ्या प्रमाणात कॅलरीज असतात. शरीराची हालचाल न केल्यास वजन त्वरित वाढू शकते.
तूप कसे आणि किती प्रमाणात खावे?
- आरोग्य तज्ज्ञांच्या मते, ज्या व्यक्तीला कोणत्याही प्रकारचा आजार किंवा त्रास नाही त्यांनी रोज जवळपास 6 ते 8 चमचे तूपाचे सेवन करू शकता.
- तुम्ही जर व्यायाम करत असाल तर तूप खाण्यात काहीच नुकसान नाही.
- जर एखादी व्यक्ती व्यायाम करत नसेल, चालत-फिरत नसेल तर जास्त तूप खाल्ल्याने हृदयाच्या रक्तवाहिन्यांमध्ये समस्या निर्माण होऊ शकतात.
हेही वाचा : Hair Care Tips : हिवाळ्यात केसांना मेहंदी लावावी का?
Edited By : Prachi Manjrekar