भाऊ-बहिणीच्या नात्यात वाद होत राहतात. फार कमी भावंड असतील ते एकमेकांशी भांडत नाहीत. मात्र भावंडांमध्ये कितीही वाद झाले तरीही त्यांचे नात्यात गोडवा कायम टिकून असतो. भावा-बहिणीचे नाते फार अनमोल असते. गरज भासल्यास त्यांच्यामध्ये मित्र-मैत्रीण, पालक किंवा सीक्रेट कीपर ही होतात. अशातच भावा-बहिणीचे नाते मजबूत होण्यासाठी काळ काळजी घ्यावी याच बद्दल आपण अधिक जाणून घेणार आहोत.
एकमेकांसोबत पुरेसा वेळ घालवा
भावा-बहिणीला समजून घेणे फार महत्त्वाचे असते. त्यामुळे तुम्हाला एकमेकांबद्दलच्या काही गोष्टी समजतील. या व्यतिरिक्त एकमेकांसोबत वेळ घालवल्यास तुमच्यातील नातेसंबंध घट्ट होण्यास मदत होईल. तुमचे नाते असेच दीर्घकाळ टिकून रहावे म्हणून एक हेल्दी कम्युनिकेशन ही तुमच्यात असले पाहिजे.
एकमेकांना काही गोष्टी शेअर करा
आपल्याला व्यक्तिगत समस्या असेल किंवा कामाच्या ठिकाणचा स्ट्रेस असेल तर अशा गोष्टी भावडांसोबत शेअर करा. असे केल्याने त्यांना तुम्ही त्यांच्या आयुष्यात किती महत्त्वाचे आहे हे कळेल. तुमच्यामधील नातेसंबंध घट्ट होतील. त्याचसोबत तुम्ही एकमेकांचे उत्तम मित्र-मैत्रीण होऊ शकता.
योग्य मर्यादा बाळगा
जर तुमच्याकडे तुमचा भाऊ किंवा बहिण एखादी गोष्ट तुमच्याकडे मागत असेल तर त्याला नाही म्हणू नका. जर ती द्यायची नसेल तर त्यांना त्यामागील कारण सांगा. असे केल्याने तुमच्यात समजूतदारपणा कायम राहिल. या व्यतिरिक्त तुम्ही तुमच्या मर्यादा ही बाळगल्या पाहिजेत.
एकमेकांचे ऐका
आपल्या भावंडाचे ऐकावे असे नेहमीच आपल्याला सांगितले जाते. जेणेकरुन तुमच्यानातील नातेसंबंध उत्तम होतात. एखाद्याचे ऐकून घेणे आणि समजून घेतल्याने तुमचा आदर ही केला जातो. जर तुम्हाला भावाचे किंवा बहिणीची एखादी गोष्ट पटत नसेल तर त्यांना स्पष्टपणे सांगा.
हेही वाचा- सिंगल चाइल्ड पेरेंट असाल तर मुलाची रक्षाबंधन अशी साजरी करा
