नाचणी हे तृणधान्य शरीरासाठी अत्यंत पौष्टिक समजलं जातं. यात अनेक महत्त्वाची पोषकद्रव्यं असतात. वाढत्या वयाच्या मुलांसाठी तर नाचणी खूपच उपयोगी आहे. त्यामुळे आज आम्ही तुम्हाला नाचणी-बटाटा कटलेट कसे करतात हे सांगणार आहोत.
साहित्य :
- 1 वाटी मोड आलेली नाचणी
- 2 उकडलेले बटाटे
- 1 मोठा चमचा बेसन
- 1 चमचा लाल मिरची पावडर
- 1 चमचा धणे पावडर
- 1 चमचा जिरे पावडर
- 1 चमचा गरम मसाला पावडर
- पाव चमचा साखर
- 1 वाटी कोंथिबीर
- 1 पातीचा कांदा
- 1 वाटी पोहे
- चवीपुरते मीठ
- तळण्यासाठी तेल
कृती :
- Advertisement -
- सर्वप्रथम मोड आलेली नाचणी मिक्सरला थोडेसे पाणी घालून बारीक वाटून घ्यावी.
- त्यानंतर एका पातेल्यात घेऊन, त्यात उकडलेले बटाटे कुस्करून घालावेत.
- नंतर सगळे मिश्रण व्यवस्थित एकजीव करून घ्यावे. पोहे मिक्सरला सरसरीत वाटून घ्यावे.
- या मिश्रणात घालून एकत्र करावे. त्यामुळे मिश्रणाला घट्टपणा येईल.
- फ्राय पॅनमध्ये थोडे तेल घालून छोटे छोटे कटलेट शॅलो फ्राय करावेत.
- हे पौष्टिक कटलेट खूप चविष्ट आणि कुरकुरीत लागतात.
- हे हिरवी चटणी किंवा सॉसबरोबर गरमागरम सर्व्ह करावे.
हेही वाचा :
