पूर्वीच्या काळी बरेच लोक सातच्या आत जेवायचे. त्यांची जीवनशैली खूप साधी सरळ होती आणि खाण्याच्या चांगल्या सवयींनमुळे त्यांना कोणतेही आजार देखील झाले नाही. आयुर्वेदानुसार, पचनसंस्था सूर्याच्या गतीवर अवलंबून असते. संध्याकाळी सूर्य मावळल्यानंतर पचनशक्ती कमी होते, त्यामुळे लवकर जेवण केल्याने पचन चांगले होते. आपलं शरीर देखील सुदृढ राहते. आज आपण जाणून घेऊयात, सातच्या आत जेवायचे फायदे.
सातच्या आत जेवणाचे फायदे
सातच्या आत जेवणाचे बरेच फायदे आहेत. याने आपण शारीरिक आणि मानसिकरित्या फिट राहतो. आपल्याला कोणतेही आजरा होत नाही
पचन सुधारते
लवकर जेवल्याने अन्न पचनासाठी अधिक वेळ मिळतो. झोपेच्या वेळी पचन प्रक्रिया संपलेली असल्याने अपचन, गॅस, आणि अॅसिडिटीचा त्रास कमी होतो.
शरीरातील ऊर्जा पातळी वाढते
पचन प्रक्रिया व्यवस्थित झाल्याने शरीराला सकाळी ताजेतवाने वाटते आणि ऊर्जा पातळी सुधारते.
मधुमेहाचा धोका कमी होतो
लवकर जेवण केल्याने रक्तातील साखरेची पातळी नियंत्रित राहते, ज्यामुळे मधुमेहाचा धोका कमी होतो.
वजन नियंत्रणात राहते
लवकर जेवण जेवल्याने वजन नियंत्रित राहते. उशिरा जेवल्याने जेवणाचे फॅटमध्ये रूपांतर होते.
- संध्याकाळी ७ वाजता जेवल्याने पचनक्रिया सुधारते.
- जेव्हा तुम्ही उशिरा जेवता तेव्हा, अन्न नीट पचत नाही आणि तुम्हाला आंबट ढेकर आणि ऍसिडिटीची समस्या निर्माण होते.
- बद्धकोष्ठतेचा त्रास देखील कमी होतो.
- अन्न लवकर खाल्ल्याने अन्नाचे पचन व्यवस्थित होते आणि त्यामुळे झोप चांगली लागते. झोपेचे चक्र सुधारते. यामुळे तुमचे मानसिक आरोग्य सुधारते.
हेही वाचा : Beauty Tips : हिवाळ्यात पिंपल्स येऊ नये म्हणून हे घरगुती उपाय करा
Edited By : Prachi Manjrekar
