स्वयंपाकघरातील सर्वात मोठी समस्या म्हणजे डाळी आणि तांदळातील किडींचा वाढणारा प्रादुर्भाव. तसेच ही समस्या अनेकदा आपल्या पाहायला मिळते. मात्र कोणत्याही धान्याचा साठा करुन ठेवायचा असेल तर त्याची विशेष काळजी घेणंही तितकंच गरजेचं असतं. अनेक वेळा वातावरणातील बदल किंवा धान्याची योग्य काळजी न घेतल्यामुळे धान्य खराब होतं. त्यांच्यात किड लागते किंवा मग बुरशी लागणे या सारख्या समस्या निर्माण होतात.
मात्र धान्याची योग्य ती काळजी घेतल्यानंतर या समस्या निर्माण होत नाही. त्यामुळे अशा काही घरगुती टिप्स आहेत,ज्यांच्यामुळे धान्यांना लागणाऱ्या कीडपासून आपण त्याचं संरक्षण करु शकतो. चला तर मग जाणून घेऊयात या टिप्स ज्यामुळे आपण साठवलेल्या धान्याला किंवा डाळीला कीड आणि आळ्या यांचा प्रादुर्भाव होणार नाही.
1. कडधान्यांमध्ये कोरडी कडुलिंबाची पाने घाला
धान्यातील किडे काढण्याचा सर्वात सोपा मार्ग म्हणजे त्यात वाळलेली कडुलिंबाची पाने टाकणे. ही पद्धत गहू, कडधान्य आणि तांदूळ यांच्यासाठी अत्यंत उपयुक्त ठरते. तसेच यासाठी एक किंवा दोन पाने पुरेसे नाहीत. जर तुम्ही कडुलिंबाची पाने धान्यात ठेवत असाल तर लक्षात ठेवा की पाने कोणत्याही परिस्थितीत ओली राहणार नाहीत. याची काळजी घ्या.
2. माचिस बॉक्सचा करा वापर
माचिसच्या पेटीत एक विशिष्ट प्रकारचा गंधक असतो ज्यामुळे किडे घाबरून पळून जातात. या सल्फरमुळे धान्य खराब होऊ नये म्हणून माचिसची पेटी कापडात बांधून ठेवावी. तुम्ही ज्या बॉक्समध्ये हा बॉक्स ठेवत आहात त्यात कोणत्याही प्रकारचा ओलावा नसावा हे लक्षात ठेवा. मॅच बॉक्समध्ये गनपावडर देखील असते, म्हणून जर तुम्ही ही टिप्स वापरत असाल तर धान्य वापरण्यापूर्वी नेहमी दोन-तीन वेळा धुवा.
3. काळ्या मिरीचा करा वापर
कीटकनाशकांना दूर ठेवण्यासाठी काळया मिरीचा वापर तुम्ही सहजपणे करू शकता. धान्याच्या डब्यात मोठी काळी मिरी ठेऊ शकता. पण ही काळी धान्यात ठेवताना नेहमी तिला कपड्यात बांधून ठेवा. नाहीतर काळी मिरी धान्याच्या चवीवरही परिणाम करू शकते. अशातच जर का तुम्हाला त्यात कीटक दिसत असतील तर ही पद्धत नक्कीच वापरून पहा.
4. तमालपत्र आणि लवंग वापरून पहा
धान्यांचे कीटकांपासून संरक्षण करण्यासाठी लोक विविध उपाय करतात. मसाल्याचा पदार्थ तमालपत्र आणि लवंग हे धान्यासाठी अतिशय फायदेशीर आहे. जेव्हा तुम्ही धान्याची साठवणूक करता तेव्हा धान्याच्या डब्ब्यात दोन-तीन तमालपत्र आणि 10-12 लवंगा घाला. यामुळे जर का तुम्ही धान्यात या दोन गोष्टी सहज टाकून जरी ठेवल्यात तरी यांना कीड लागायचे आजिबात टेन्शन नाही.
______________________________________________________________________
हेही वाचा : झाकणाचा असा करा reuse
