नाश्त्यामध्ये बनवा वाटाणा पोह्याचे कटलेटस

सकाळी नाश्ताला काय बनवायचं असा प्रश्न महिलांना कायम पडत असतो. सध्या कोरोनाकाळ असल्याने नाश्ता आणि जेवणात जास्तीत जास्त पौष्टीक पदार्थ बनवण्याकडे महिलांचा कलही वाढला आहे. यामुळे आज आम्ही तुम्हांला हिरवा वाटाणा आणि पोह्याचे कटलेट्सची रेसिपी देत आहोत. पोहे आणि वाटाणा दोन्ही तब्येतीसाठी फायदेशीर आहे. यामुळे ही रेसिपी नक्की
ट्राय करा.

साहीत्य- १ कप पोहे( भिजवलेले) पाव कप उकडलेले हिरवा वाटाणा, २ उकडून कुस्करलेले बटाटे, १ कांदा बारीक चिरलेला, दोन चमचे बारीक चिरलेली कोथिंबीर, अर्धा चमचा लाल मिरची पावडर, अर्धा चमचा गरम मसाला पावडर, अर्धा चमचा काळी मिरी पावडर, एक चमचा जिरे आणि चाट मसाला. चवीसाठी मीठ, १ चमचा बारीक चिरलेली मिरची, १ चमचा गाजराचा किस, २ ते ३ चमचे कॉर्नफ्लॉवर, तळणासाठी तेल.

कृती- सर्वात आधी भिजवलेले पोहे हाताने कुस्करुन घ्या. त्यात हिरवा वाटाणा, कांदा, कोथिंबीर, गरम मसाला पावडर, काळी मिरी पावडर, जीरे आणि चाट मसाला, गाजर, आणि इतर साहीत्य टाकून सर्व जिन्नस एकजीव करा.हाथावर तेल लावत कटलेट थापा. कढाीत किंवा फ्राय पॅनमध्ये तेल टाकून लालसर तळा. हिरवी चटणी किंवा टोमॅटो सॉसबरोबर कटलेट छान लागतात.