लोणचं हा विषय खूप जवळचा आहे. भारतीय थाळीत लोणच्याचे स्थान हे ठरलेले असते. जेवणात लोणचे नसेल तर जेवणाची चव ही अपूर्ण राहाते. लोणच्याचे नाव घेताच तोंडाला पाणी सुटते. लोणचे साधारणत: आपण उन्हाळ्यात बनवतो व त्याला वाळवून सुकवून व त्यात इतर मसाले घालून त्याला काही काळ मुरण्यास ठेवतो. लिंबूमध्ये जीवनसत्त्व क आणि अँटीऑक्सिडंट्स भरपूर असतात. हे दोन्ही आरोग्यासाठी फायदेशीर आहेत.  लिंबाची साल टाकून न देता आपण तिचा वापर लोणचे बनवण्यासाठी करु शकतो.

लिंबाचे लोणचे कसे पटकन बनवायचे हे जाणून घ्या-

साहित्य –

• लिंबाची साल – १ वाटी
• मीठ – १ चमचा
• काळे मीठ – १ चमचा
• लाल तिखट – २ चमचे / जिरं,मोहरी (चवीनुसार)
• धनेपूड – १ चमचा / साखर-२ छोटे चमचे (तुरटपणा-कमी करण्यासाठी)
• पाणी (Water) व तेल – आवश्यकतेनुसार /
• स्वाद वाढवण्यासाठी- लवंग/दालचिनी टाकू शकता.

कृती –

• सर्वप्रथम लिंबाची साल स्वच्छ करा.
• यानंतर २ मिनिटे पाण्यात भिजत ठेवा यामुळे लिंबाची साले मऊ होतील.
• आता एका भांड्यात साले काढा आणि ओव्हनमध्ये ५ मिनिटे बेक करण्यासाठी ठेवा.
• एका भांड्यात मीठ, काळे मीठ, लाल तिखट, धनेपूड इत्यादी सर्व मसाले टाकून चांगले मिसळा.
• लिंबाच्या सालीचे २ अर्धे तुकडे करून त्यात मसाले टाका आणि वरून तेल (Oil) घालून चांगले मिक्स करा.
• आता ही वाटी ४ मिनिटे ओव्हनमध्ये ठेवा आणि लिंबू बेक करण्यासाठी ठेऊन द्या.
• आता ते बाहेर काढून काचेच्या बरणीत ठेवा.
• तुमचे लिंबाच्या सालीचे लोणचे तयार आहे.

 

हेही वाचा :

Kairi Chutney: तिखट गोड कैरीची चटणी,जाणून घ्या साहित्य आणि कृती