आपल्या सगळ्यांनाच नेहमी व्यवस्थित, नीटनेटके आणि सुंदर पद्धतीने ठेवलेले घर आवडते. आधीच घर आणि ऑफिस अशी तारेवरची कसरत करताना गृहिणींची पुरती दमछाक होत असते. त्यामुळे नियमित घराची साफसफाई करणे शक्य नसते .आपल्या घराची कितीही स्वच्छता केली तरी घरातील इलेक्ट्रॉनिक् वस्तूवर थोडी थोडी धूळ बसते. त्यासाठीच घरातील इलेक्ट्रॉनिक् वस्तूची कशी काळजी घ्यायची ते जाणून घेऊयात.
टीव्ही स्वच्छता
- टीव्ही स्क्रीन स्वच्छ करण्यासाठी योग्य कापड वापरणे महत्त्वाचे आहे. टॉवेल, सुती किंवा पॉलिस्टर कापड आणि वर्तमानपत्र टीव्ही स्क्रीनवर ओरखडे ठेवू शकतात. म्हणून, स्क्रीन स्वच्छ करण्यासाठी मायक्रोफायबर किंवा फ्लॅनेल कापड वापरावे.
- स्क्रीनवर स्वच्छ केल्यानंतर काही काळ कोरडे होऊ द्या. अनेकदा ओले ठिपके स्क्रीनवर सहज दिसणार्‍या खुणा किंवा डाग ठेवतात.
- काही वेळ क्लिनिंगनंतर, साफसफाईचे कापड उलटे करा, कारण कापड सहजपणे धूळ उचलते. समान कापड वारंवार वापरल्याने स्क्रीनवर ओरखडे आणि खुणा येऊ शकतात.
फ्रीजची स्वच्छता
- दोन आठवड्यातून किमान एकदा तरी फ्रीजची साफसफाई करावी – फ्रीज स्वच्छ करण्यापूर्वी बंद करुन, त्यातील खराब किंवा नको असलेले पदार्थ काढून टाकावेत –
- फ्रीज डी-फ्रॉस्ट करा. फ्रीजच्या पायथ्याशी जाडसर कागद पसरवा. जेणेकरून बर्फ वितळल्यावर कागद ते पाणी शोषून घेईल. जर तुमच्या फ्रिजला दुर्गंध येत असेल तर बेकिंग सोडा किंवा लिंबाच्या रसाने वास दूर करता येईल.
- भाजीचा ट्रे बाहेर काढा आणि नीट धुवा. ते सुकल्यावर फ्रीजमध्ये ठेवा. फ्रीजमध्ये ठेवलेले अन्न जास्त वेळ राहू नये यासाठी प्रयत्न करा. जेव्हा तुम्ही उरलेले अन्न फ्रीजमध्ये ठेवता तेव्हा ते झाकून ठेवा. अन्यथा, त्याचा वास संपूर्ण फ्रीजमध्ये पसरेल.
इतर इलेक्ट्रॉनिक वस्तू
- इलेक्ट्रॉनिक वस्तू पाण्याच्या संपर्कात आल्यानं खराब होऊ शकतात. त्यामुळे याची विशेष काळजी घ्या. तुमचा फोन, लॅपटॉप, स्मार्टवॉच किंवा इअरबर्ड ओले झाल्यास, ते सुकविण्यासाठी सिलिकॉन कव्हर वापरा.
- ओल्या झालेल्या इलेक्ट्रॉनिक वस्तू लगेच चार्ज करू नका. इलेक्ट्रॉनिक वस्तू सुकविण्यासाठी हेअर ड्रायर वापरू नका. वॉटर रिपेलेंट स्क्रीन प्रोटेक्टर चा वापर करा.
- इलेक्ट्रॉनिक वस्तू पाण्यापासून सुरक्षित राहू शकतात. बाजारत अगदी कमी किंमतीत तुम्हाला वॉटरप्रूफ बॅग मिळू शकतात. पावसाळ्यात बाहेर जाण्यापूर्वी नेहमी तुमच्या इलेक्ट्रॉनिक वस्तू आणि महत्त्वाच्या गोष्टी वॉटरप्रूफ बॅगमध्ये ठेवा.
हेही वाचा : पावसाळ्यासाठी होम मेड रुम फ्रेशनर
Edited By : Nikita Shinde