आपल्या दैनंदिन चविष्ट आहारासोबतच पौष्टिक आहार देखील महत्वाचा असतो. अशावेळी वारंवार आहारात नवनवीन पदार्थांचा सहभाग करा.
साहित्य :
- 1/2 कप हिरवी मूग डाळ
- 4 पाकळ्या लसूण
- 1/2 कप पनीर
- 2 हिरव्या मिरच्या
- चवीनुसार मीठ
- कोथिंबीर
- तेल
कृती :
- सर्वप्रथम मूग-पनीर चीला बनवण्यासाठी हिरवी मूग डाळ 5-6 तास भिजत ठेवा.
- 5-6 तासानंतर भिजवलेली मूग, अर्धा कप पाणी, आलं, लसूण, हिरव्या मिरच्या आणि मीठ ग्राइंडरच्या भांड्यात बारीक करून घ्या.
- हे मिश्रण एका भांड्यात काढून घ्या.
- आता पनीर चांगले किसून घ्या आणि त्यात हिरवे धने, हिरवी मिरची चिरून टाका.
- एका भांड्यात किसलेले पनीर, चिरलेली हिरवी मिरची, कोथिंबीर आणि चवीनुसार मीठ एकत्र करून सारण तयार करा.
- आता मध्यम आचेवर तवा तापत ठेवा आणि त्यात थोडे तेल टाका.
- तापलेल्या तव्यावर मूग चीला पसरवा आणि हा दोन्ही बाजूने खरपूस भाजून घ्या.
- त्यानंतर हा चीला एका भांड्यात काढा आणि त्यात तयार केलेले सारण पसरवून त्याचा गोल रोल करा.
- चविष्ट मूग पनीर चीला सॉस सोबत सर्व्ह करा.