बऱ्याचदा सकाळी ऑफिसला जाताना नाश्ता काय करावा असा प्रश्न पडतो. त्यामुळे आज आम्ही तुमच्यासाठी मटार उत्तपाची घेऊन आलो आहोत.
साहित्य :
- 1-2 कप मटार दाणे
- 1 वाटी रवा
- 3-4 हिरव्या मिरच्या
- 2 मोठे चमचे दही
- 1 छोटा चमचा बेकिंग सोडा
- 1 वाटी बारीक चिरलेले टॉमेटो
- कोथिंबीर
- आलं
- चवीपुरते मीठ
कृती :
- सर्वप्रथम मटारचे दाणे, आलं, हिरव्या मिरच्या एकत्र मिक्सरमध्ये वाटून घ्या. हे वाटण भांड्यात काढून त्यात रवा, दही, कोथिंबीर, मीठ घालून एकत्र करुन घ्या.
- त्यानंतर हे मिश्रण 10-15 मिनिटे झाकून ठेवा आणि सारण घट्ट असल्यास त्यात थोडेसे पाणी घाला.
- आता त्यात 1 छोटा चमचा बेकिंग सोडा घालून मिश्रण एकजीव करा. त्यानंतर तव्यावर तेल टाकून त्यावर टॉमेटो घालून त्यावर सारण घाला.
- झाकण ठेवून गॅस मध्यम आचेवर ठेवा.
- आता त्या सारणावर तेल टाकून पलटून घ्या आणि परत झाकण ठेवा. 2 मिनिटे झाल्यावर काढून घ्या.
- तयार गरमागरम मटार उत्तपे नारळाच्या चटणी बरोबर सर्व्ह करा.
हेही वाचा :