मटण, चिकन खायला सर्वांनाच आवडते. त्यामुळे आज आम्ही तुम्हाला घाटी स्टाईल झणझणीत मटण कसे बनवायचे हे सांगणार आहोत.
साहित्य :
- 1 किलो मटण
- 4 कांदे
- 200 ग्रॅम सुकं खोबरं
- आलं-लसूण
- गरम मसाला
- 1 चमचा हळद
- मीठ चवीनुसार
- कढीपत्ता
- 3 चमचे घाटी मसाला
कृती :
- सर्वप्रथम मटणाला हळद-मीठ लावून मसाला होईपर्यंत बाजूला ठेवा.
- तोपर्यंत दुसरीकडे कढईत खोबरं तांबूस भाजून ठेवा. नंतर 2 कांदे कापून भाजून घ्या, ते गार करून त्यात 7-8 लसणाच्या पाकळ्या, आलं, हळद, मीठ घालून बारीक पेस्ट करा.
- नंतर कुकरमध्ये तेल घालून बारीक चिरलेला कांदा घाला आणि तांबूस होईपर्यंत परतून घ्या. त्यात दीड चमचा घाटी मसाला घालून परतून घ्या.
- नंतर त्यात कढीपत्ता, चवीनुसार गरम मसाला आणि मसाला पेस्ट घालून परत परतून घ्या.
- आता त्यात हळद-मीठ लावून ठेवलेले मटण घाला आणि मसाला एकजीव होईपर्यंत परता आणि पाणी घालून चार शिट्या काढा.
हेही वाचा :