लवकरच 2024 वर्ष संपणार आहे. डिसेंबरच्या या शेवटच्या महिन्यापासून, लोक त्यांच्या मित्रांना आणि सहकाऱ्यांना भेटवस्तू देण्यासाठी काहीतरी शोधत असतात. जेणेकरून वर्षाच्या सुरुवातीला मित्र एकमेकांना शुभेच्छा देऊ शकतील. बरेच मित्र एकमेकांना छान भेटवस्तू देतात, परंतु त्यांच्या आवडींची विशेष काळजी घेत नाहीत म्हणूनच गिफ्ट मिळालेल्या व्यक्तींना गिफ्टचा आनंद मिळेलच असं नाही.
नवीन वर्षात भेटवस्तू म्हणून काहीतरी अनोखे देण्याचा विचार करत असाल, तर तुम्ही या लेखातून टिप्स घेऊ शकता.
जाणून घेऊयात काही अशा भे़टवस्तूंच्या कल्पनांविषयी. ज्या
भेटवस्तू तुम्ही तुमच्या बजेटनुसार खरेदी करू शकता. नवीन वर्षात तुमच्या जवळच्या व्यक्तींना किंवा ऑफिसच्या मित्रांना भेटवस्तू देण्यासाठी या वस्तू बेस्ट ऑप्शन्स ठरू शकतात.
नवीन वर्षात प्रवासोपयोगी वस्तू द्या :
सध्याच्या काळात विशेषतः तरुणांमध्ये प्रवासाची खूप क्रेझ आहे. अशा परिस्थितीत तुम्ही प्रवासासाठी आवश्यक वस्तू देखील भेट देऊ शकता. तुम्ही तुमच्या सहकाऱ्यांना बॅग्ज, हायकिंग किंवा ट्रेकिंगसाठी टूल्स, फोटोग्राफीसाठी ट्रायपॉड्स इत्यादी खास वस्तू भेट म्हणून देऊ शकता. या प्रकारच्या प्रवासोपयोगी भेटवस्तू तुमच्या मित्रांना खूप आवडतील.
कस्टमाईज्ड गिफ्टचे ऑप्शन्स :
नवीन वर्षावर तुम्ही तुमच्या ऑफिसमधील सहकाऱ्यांना किंवा मित्रांना काही कस्टमाइज गिफ्ट देऊ शकता. आपल्या
स्वत:च्या हातांनी अशा भेटवस्तू देखील बनवू शकता. आजकाल अशा भेटवस्तू ऑनलाइन माध्यमातूनही दिल्या जात आहेत. अशा परिस्थितीत मित्रांना स्पेशल वाटण्यासाठी या भेटवस्तू सर्वोत्तम ठरू शकतात.
तुम्ही मुलींना चंकी ज्वेलरी देऊ शकता :
जर तुम्हाला तुमच्या मैत्रिणीला गिफ्ट द्यायचं असेल तर तुम्ही तिला चंकी ज्वेलरी देऊ शकता. आजकाल, मुली सर्व प्रकारच्या पोशाखांसह सोनेरी किंवा चांदीच्या रंगाचे दागिने स्टाईल करतात. अशा परिस्थितीत, चंकी ज्वेलरीची भेट त्यांना आनंद देऊ शकते. अशा प्रकारचे दागिने तुम्ही ऑनलाइन खरेदी करू शकता. यासाठी युनिक आणि हटके डिझाईन शोधण्याचा प्रयत्न करा.
शुभेच्छांसह ग्रीटिंग कार्ड :
ग्रीटिंग कार्ड्सशिवाय नवीन वर्ष नेहमीच अपूर्ण वाटते. अशा परिस्थितीत तुम्ही कितीही भेटवस्तू दिल्या तरी ग्रीटिंग कार्ड देणे महत्त्वाचे आहे. नवीन वर्षाच्या निमित्ताने, तुम्ही तुमच्या मित्रांना नवीन वर्षाच्या शुभेच्छांसह आकर्षक ग्रीटिंग कार्ड भेट देऊ शकता. तुम्ही काही ओळी तुमच्या मित्राला समर्पित करून लिहू शकता, जेणेकरून तुमच्या मित्राला त्या वाचून आनंद वाटेल.
हेही वाचा : Types Of Hugs: मिठीचे प्रकार आणि त्याचा अर्थ
Edited By – Tanvi Gundaye
