नवीन वर्ष, नवीन सुरुवात!असं म्हटलं जातं. नवीन वर्ष आलं की आपलं आयुष्य थोडं चांगलं व्हावं असं प्रत्येकाला वाटतं. म्हणूनच आपण सर्वजण स्वतःला नवीन वचने देतो, जसे की काहीतरी नवीन शिकणे किंवा वाईट सवय सोडणे. आपल्याला वाटते की यावेळी आुपण ही आश्वासने नक्कीच पूर्ण करू, परंतु ही आश्वासने कधीकधी मोडतात , नवीन वर्षाचे संकल्प का अयशस्वी होतात ? याचा तुम्ही कधी विचार केला आहे का?
असं घडतं कारण आपण आपल्या मनात फक्त विचार करतो की आपल्याला काय करायचे आहे, परंतु आपण ते कसे करू याचा विचार करत नाही. आपल्याला दिलेली आश्वासने पूर्ण करायची असतील तर आपल्याला काही खास गोष्टी लक्षात ठेवायला हव्यात. आपल्याला काय करायचे आहे याचा विचार केला पाहिजे आणि मग आपण ते कसे करू याचाही विचार केला पाहिजे. आपल्याला स्वतःला एका योजनेवर काम करावे लागेल. या लेखात जाणून घेऊयात नवीन वर्षाचे संकल्प मोडण्याची कारणे आणि ते प्रत्यक्षात आणण्याचे मार्ग याविषयी.
नवीन वर्षाचे संकल्प का पूर्ण होत नाहीत?
जास्त अपेक्षा :
नवीन वर्षाचे संकल्प करताना, आपण अनेकदा इतके उत्साही होतो की आपल्या स्वतःकडून खूप अपेक्षा असतात. वजन कमी करणे, नवीन भाषा शिकणे आणि करिअरमध्ये पुढे जाणे अशी अनेक उद्दिष्टे आपण एकाच वेळी ठरवतो, परंतु एकाच वेळी इतकी उद्दिष्टे पूर्ण करणे खूप कठीण असते. जेव्हा आपण अनेक ध्येये ठरवतो, तेव्हा आपण कोणत्याही एका ध्येयाकडे पूर्ण लक्ष देऊ शकत नाही आणि शेवटी निराश होतो.
संयमाचा अभाव :
अनेकदा आपल्याला स्वत:कडून खूप अपेक्षा असतात. आपल्याला असे वाटते की आपण आपली दिनचर्या ताबडतोब बदलू शकतो आणि वेळेत आपले ध्येय साध्य करू शकतो, परंतु प्रत्यक्षात हा एक भ्रम आहे. सवयी बदलायला वेळ लागतो. हळूहळू आणि सतत प्रयत्न करूनच आपण यशस्वी होऊ शकतो. म्हणून, आपण लहान लक्ष्य निश्चित केली पाहिजेत.
योजनेचा अभाव :
नवीन वर्षाचे संकल्प करताना आपण आपले ध्येय कसे साध्य करू याचा विचार करत नाही.आपण केवळ हेतूच्या आधारावर काम करतो, परंतु लक्षात ठेवा की केवळ इच्छाशक्ती असणे पुरेसे नाही. आपले उद्दिष्ट साध्य करण्यासाठी ठोस योजना आखून त्याचे पालन करावे लागेल.
सामाजिक दबाव :
अनेकदा आपण सोशल मीडिया किंवा आपल्या आजूबाजूच्या लोकांच्या प्रभावाखाली येऊन नवीन वर्षाचे संकल्प ठरवतो. आपण इतरांच्या तुलनेत स्वतःला कमी लेखतो आणि आपल्यासाठी योग्य नसलेले संकल्प करतो. आपण इतरांऐवजी स्वतःवर लक्ष केंद्रित केले पाहिजे आणि आपल्यासाठी खरोखर महत्वाचे असलेले संकल्पच केले पाहिजेत.
कमकुवत हेतू :
अनेक वेळा आपण आपल्या संकल्पांचे पालन करण्यात अपयशी ठरतो कारण आपले हेतू कमकुवत असतात. जेव्हा आपल्याला कोणतीही अडचण येते तेव्हा आपण सहजपणे हार मानतो आणि याच कारणामुळे दरवर्षी संकल्पना प्रत्यक्षात येऊ शकत नाहीत.
नकारात्मक विचार :
जर आपण असा विचार करत राहिलो की आपण आपली उद्दिष्टे साध्य करू शकणार नाही, तर आपण प्रत्यक्षात ती कधीच साध्य करू शकणार नाही. आपण सकारात्मक विचार केला पाहिजे आणि स्वतःवर विश्वास ठेवला पाहिजे, तरच आपले नवीन वर्षाचे संकल्प प्रत्यक्षात येतील.
नवीन वर्षाचे संकल्प प्रत्यक्षात आणण्यासाठी काय करावे?
ध्येय कसे पूर्ण कराल?
तुम्ही तुमचे ध्येय छोट्या छोट्या गोष्टींमध्ये विभागून घ्या. उदाहरणार्थ, तुमच्या ध्येयाकरता दिवसातील दररोजचा 30 मिनिटांचा वेळ काढा. याच्या मदतीने तुम्ही तुमच्या ठरवलेल्या ध्येयापर्यंत हळूहळू पोहोचाल.
तुमची ध्येये स्मार्ट ठेवा :
तुमचे ध्येय SMART म्हणजेच Specific, Measurable, Attainable, Relevant, Time Bound (विशिष्ट, मोजता येण्याजोगे, साध्य करण्यायोग्य, प्रासंगिक, कालबद्ध)असायला हवे. म्हणजे तुम्हाला ते साध्य करताना फार अडचणी येणार नाहीत.
रोजनिशी लिहिण्याची सवय लावा :
दररोज किमान तीन गोष्टी लिहिण्याची सवय लावा ज्यासाठी तुम्ही तुमच्या आयुष्यात कृतज्ञ आहात. ती कोणतीही मोठी किंवा लहान गोष्ट असू शकते. यासाठी दररोज रोजनिशी किंवा कृतज्ञता डायरी लिहिण्याची सवय लावा.
ध्येयाचा मागोवा घ्या :
रोज डायरी लिहिल्याने तुमच्या ध्येयांचा मागोवा घेणे तुम्हाला सोपे जाईल. संकल्प करताना प्रेरक पुस्तके, व्हिडिओ किंवा कोट्स वाचा. सर्वात महत्त्वाची गोष्ट म्हणजे तुम्ही तुमच्या प्रयत्नांमध्ये सातत्य ठेवा आणि तुमच्या मार्गात येणाऱ्या अडथळ्यांमुळे निराश होऊ नका.
हेही वाचा : New Year 2025 Gift Ideas : नवीन वर्षात प्रियजनांना देऊ शकता या खास भेटी
Edited By – Tanvi Gundaye
