Palak Chakali : संध्याकाळच्या भूकेसाठी बनवा पौष्टिक पालक चकली

संध्याकाळी भुक लागल्यावर अनेकजण वेफर्स, मॅगी, पास्ता असं काहीना काहीतरी खातात. पण हे खाणं हेल्दी मानलं जात नाही. अशावेळी तुम्ही पौष्टिक पालक चकली खाऊ शकता.

साहित्य :

• 4 वाट्या चकलीची भाजणी
• 2 वाट्या पालकाची बारीक केलेली पेस्ट(पालक कच्चाच वापरवा)
• 1 चमचा तीळ
• 2 चमचे हिरव्या मिरच्यांचा ठेचा
• 1/2 चमचा हिंग
• 1 चमचा ओवा
• मोहनासाठी तेल अर्ध्या वाटीपेक्षा थोडे कमी
• चवीपुरते मीठ
• तळण्यासाठी तेल
• 2 वाट्यांपेक्षा थोडे कमी पाणी

कृती :

• सर्वप्रथम पाणी आणि पालक पेस्ट उकळत ठेवावी. त्यात तेल, हिरव्या मिरच्यांचा ठेचा घालावा.
• पिठात मीठ, ओवा, तीळ, हिंग घालून मिसळावे.
• पाणी उकळल्यावर त्यामध्ये पीठ घालून ढवळावे आणि झाकण ठेवावे.
• आता गॅस बंद करून थोड्या वेळाने त्याला तेल-पाण्याचा हात लावून पीठ चांगले मळून घ्यावे.
• चकलीच्या सोर्‍यामध्ये पिठाचा गोळा घालून चकल्या मंद गॅसवर तळून घ्याव्यात.
• या चकल्यांना छान हिरवा रंग येतो.
• तयार कुरकरीत चकल्यांचा आस्वाद घ्यावा.

हेही वाचा : 

Moong Daal Samosa : मूग डाळीचा पौष्टिक समोसा नक्की ट्राय करा